22 нче гыйнвар көнне мәктәбебездә 1-9 классларда "Туган телем язмышы"  темасына класс сәгатьләре үткәрелде. Әлеге тәрбия чарасының максаты - туган телебез- ана телебезгә мәхәббәт тәрбияләү, укучыларның тел байлыгын үстерү,  туган телебезнең матурлыгын, әһәмиятен тоярга өйрәтү. Укучылар туган телне саклау һәм үстерүнең юлларын эзләделәр, тел турында булган белемнәрен күрсәттеләр.  

6 нчы клас укучылары, класс җитәкчесе, тарих һәм җәмгыять белеме укытучысы Хәбибуллина Гөлназ Галимҗан кызы белән, "Бөек Җиңүнең 70 еллыгына әзерлек кысаларында, ветеран укытучы Сәлихова Әнисә Фәтхи кызында кунакта булдылар. Әнисә Фәтхиевна укучыларга сугыш чорында күргән җәфа-михнәтләре, тормыш авырлыклары турында  сөйләде. Үзенең кул эшләре, шәхси архивындагы фотолар белән таныштырды. Укучыларга тыныч тормышның кадерен белергә, сугыш афәтен күрергә язмасын, дигән теләкләрен җиткерде.

Әлеге акция кысаларында Иске Кырлай авылы җирлегендә урнашкан Бөек Ватан сугышында һәлак булган авылдашларыбыз истәлегенә куелган һәйкәл янын укучыларыбыз һәрдаим кардан чистартып торалар.

Арча мәшгульлек үзәге уздырган "Киләчәккә " сочинениеләр конкурсының  "Минем киләчәгем - минем кулларда" номинациясендә 8 класс укучысы Хөсәенов Илнар "Киләчәгең үз кулыңда" шигыре белән 3 урынга лаек дип табылды, грамота белән бүләкләнде.

Бүген мәктәптә мәктәпкүләм ата-аналар җыелышы үткәрелде. Җыелышта мәгариф бүлеге методисты Мустафина Э.А. катнашты.  Беренче көн тәртибе буенча укыту-тәрбия эшләре буенча директор урынбасары Мустафина Г.Г. 2014-2015 уку елы икенче чирек нәтиҗәләре, ирешкән уңышлар, алда торган бурычлар төп дәүләт имтиханы ( ОГЭ) әзерлек эше торышы белән таныштырды. Икенче көн тәртибе буенча башлангыч калсслар укытучысы Ситдикова Ф.Х. "Арча районы мәгариф  идарәсе методисты Мостафина Э.Г.  бердәм дәүләт имтиханнарын биргән вакытта үзгәрешләр  һәм укучыларда кечкенәдән үк рухи кыйммәтләр тәрбияләргә кирәклеген аңлатып  дип чыгышы.  Дүртенче көн тәртибе буенча һәр класс җитәкчесе үз классы укучыларының тәртибе һәм тырышлыклары турында сөйләштеләр.

8 нче класс укучылары мәктәп эчендә математикадан ОГЭ эшләделәр. Алар үз көчләрен имтихан бирү өчен сынап карыйлар.

Мәктәбебездә өстәмә белем бирү юнәлешендә беренче яртыеллыктагы эшчәнлеккә анализ ясап, декоратив - кулланма сәнгать "Оста куллар" түгәрәгендә шөгыльләнүче укучылар көче белән әзерләнгән "Сәйләннәр дөньясы" исеме астында күргәзмә оештырылды. Укучыларыбыз әлеге түгәрәктә бик яратып шөгыльләнәләр. Киләчәктә дә аларга иҗат уңышлары юлдаш булсын!

Бүген мәктәбебезнең 5, 6, 7, 8 нче класслардан бер төркем укучы Арча Боз Сараена кунакка бардылар. Физик тәрбия укытучысы Ситдиков А.Г. җитәкчелегендә укучылар тимераякта шуу серләренә төшенделәр, ике сәгать буе бозда шудылар. Укучыларда әлеге спорт төре зур кызыксыну уятты. Каникулларда оештырылган әлеге сәяхәт өчен укучылар һәм аларның әти-әниләре мәктәпкә, район мәгариф идарәсенә зур рәхмәтле.

9 нчы декабрь көнне чаңгычыларыбыз Арча районы буенча уздырылган чаңгы эстафетасында катнаштылар. Сайфуллина Динә, Саттарова Наилә, Ситдиков Элвир, Шәрәфиев Илназлардан торган 1 команда  район буенча беренче урынга,  Фазлиева Илүзә, Шакиров Илназ, Мокаева Ландыш, Хөсәенов Илнарлар командасы икенче урынга лаек булды. 1998-1997 елгы укучылар арасында чаңгы ярышында Сайфуллина Динә - 3 урын, Саттарова Наилә 2 урын яуладылар. Тренерлары физик тәрбия укытучысы Ситдиков А.Г.  Укучыларны зур җиңүләре белән котлыйбыз!

Мәктәптә ОГЭга әзерлек эшләре каникул вакытында да дәвам итә. Әлеге максаттан,  9 нчы класс укучылары белән рус теле, математика, татар теле фәннәреннән пробный ОГЭ үткәрелде.