Бүген мәктәбебездә "Хуш киләсез, кошкайлар!" дип аталган кичә үтте.

  Апрель ае- уяну, сафлану, яктылык, су һәм кошлар ае. Кошлар табигатьнең күрке, яме. Алар матур каурыйлары, нәфис гәүдәләре, нәни томшыклары һәм күңелле җырлары, сайраулары белән тирә- юньгә ямь тараталар, безне сөендерәләр. Кошлар нәкъ чәчәкләр кебек үк – табигать могҗизасы. Әйтерсең лә алар шатлык өләшү, соклану һәм күңелгә илаһи көч бирү өчен яратылган. Кошлар кешедә күкләрне айкарга, очарга омтылыш уяткан. Алар, әйтерсең лә, җиһандагы бар моңны үзенә сеңдергән.Кошлардан башка табигать җансыз булыр иде. Кошлар җир йөзендә иң киң таралган тереклек ияләре. Кошлар - урман табиблары. Хәзер аларның 9 меңгә якын төре бар. Татарстанда исә җәй көннәрендә - 200дән,ә кышын 40 төрдән артык кош очратырга мөмкин.

 Калкулыклар кардан арындылар,

Язгы сулар шаулап актылар.

Әкрен генә дымсу җилләр исте

Күтәрелде җирдә ак томан.

 Ачылды ак калын юрган,

Исте апрель җилләре.

Кошлар кайта, сагындырган

Туган-үскән җирләре.

Көннәрен юлда үткәреп

Куанышып очалар.

Канатларына күтәреп

Яз китерә ич алар.

Балачакта тау башыннан

    Күккә сузып кулларны,

    Күпме тапкыр хыялландым

    Тотарга болытларны.

                     Биек баскыч буйлап өскә

                     Менеп җиттем дигәндә,

                     Югарыдан аска очам...

                     Төш өзелә шул мәлдә.

    Яр читендә басып торам

     Әзерләнеп очарга –

    Ике кулны канат итеп,   

     Әверелеп кошларга.

                     Әкият төсле хыяллар

                     Була тик балачакта.

                     Чын тормышта могҗизалар

                     Күбрәк туа кайчакта.

Көн тудымы – бер яңалык

Шаккатмый хәзер күпләр...

Саклыйк галәм иминлеген!

Гел зәңгәр булсын күкләр!     Мәктәбебездә Космонавтика көненә багышланган чаралар үтә.      

Мәктәбебездә оешкан "БАРС" отряды членнары һәрдаим сәламәт яшәү рәвешен пропагандалаган акцияләр үткәрәләр. 

Укучыларның юл йөрү кагыйдәләре буенча белемнәрен арттыру,балаларның игътибарлылыгын, мөстәкыйль эзләнүен, иҗади сәләтләрен үстерү,юл йөрү кагыйдәләрен өйрәнүгә кызыксыну уяту, балаларның үзара аралашуларын яхшырту, дуслык, бердәмлек хисләре тәрбияләү максатыннан даими рәвештә тәрбия сәгатьләре үткәрелә. 3 нче март көнне "Очкын" тәртип саклау отряды членнары "Юлларда имин йөрик" дип аталган уен - викторина үткәрделәр.

Район күләмендә үткәрелгән "Разукрасим мир стихами" дип аталган шигырь укучылар конкурсында 2 нче урын алган Бариев Фаилне ( җитәкчесе Шангараева Л.Р.) чын күңелдән уңышы белән котлыйбыз. Афәрин, Фаил!

Язгы каникуллар башланды. Мәктәптә  укучылар өчен һәр көнне кызыклы чаралар үтә. 26 нчы март көнне 5-8 класс командалары арасында волейбол ярышлары оештырылды.

"Без бергә" балалар иҗаты фестивалендә Заһидуллиннар гаиләсе ( җитәкчеләре Шангараева Л.Р.)  "Иҗади гаилә" номинациясендә 3 нче дәрәҗә лауреат исеменә лаек булдылар. Афәрин, Заһидуллииннар! Рәхмәт сезгә!

20 нче март көнне мәктәптә ата - аналар җыелышы үтте. Җыелышка балалар һәм яшүсмерләр белән эшләүче инспекторлар да чакырылган иде. Алар ата - аналар белән "Балаларыбызны ялгышудан саклыйк" дигән темага эшлекле әңгәмә үткәрделәр, киңәшләр бирделәр. Укыту эшләре буенча директор урынбасары Гарипова Н.И. 3 чирек нәтиҗәләре, алда торган имтиханнар  белән таныштырды. Җыелышның икенче өлеше классларда дәвам итте.

 Кабатланмас балачак иленең иң шәп бәйрәмнәренең берсе - ул Әлифба бәйрәме.  Җир йөзендә кем генә булмасын, кайда гына хезмәт итмәсен, ул зул дулкынлану белән үзенең нәни кулларына тәүге тапкыр Әлифба алганын искә төшерә. Чөнки һәркемнең дә белем дөньясына аяк атлавы Әлифбадан, Азбукадан башланган. Димәк, Әлифба китабы озын гомерле, тирән мәгънәле, бәһасез байлык ул.

  Укучыларның барысы да укырга, язарга, матур итеп сөйләргә, хикәяләр төзергә, шигырьләр сөйләргә өйрәнде. Әлифба бәйрәме барыбыз өчен дә зур тантана. Бәйрәмебез котлы булсын! 

Мәктәптә тәнәфесләр дә күңелле үтә. Өлкән класс укчылары башлангычлар өчен төрле күңелле уеннар оештыралар.