Бүген  мәктәптә  башлангыч  класс  укучыларының  "Кошлар - безнең  дуслар"  дип  исемләнгән  рәсемнәр   күргәзмәсе  узды.

12 апрель - Космонавтика көне! Шул уңайдан һәр класста тәрбия сәгатьләре үткәрелде.

3нче  класста  татар  теле  фәненән  ачык  дәрес  узды

11нче  апрель  көнне  озайтылган  көн  төркеменә  йөрүче  укучылар  өчен  "Матурлыкның  7  төсе"  дип  исемләнгән  уен-ярыш  үткәрелде. Командалар  төрле  кызыклы  биремнәр  үтәделәр.

Бүген  2 һәм  4 нче  класста  рус  теле  фәненнән  ачык  дәрес  үтте.

10нчы  апрель  көнне әти-әниләр өчен "Ачык  ишекләр көне"  үткәрелде. Әти-әниләр  ачык дәресләр  карадылар, классларда җыелышлар үткәрелде.

Һәркемнең тормышында истә кала торган бәйрәмнәрнең берсе - Әлифба бәйрәме! Мәктәбебезнең беренче класс укучылары шушы бәйрәмнең сәбәпчеләре булдылар. Алар үзләренең чыгышлары белән һәркемне сөендерде, бәйрәм куңелле һәм истә калырлык булды.

Бүген мәктәбебездә язгы ярминкә үткәрелде. Аны 11 класс укучылары оештырды. Укытучылар да укучылар төрле сый-нигъмәтләр белән сыйландылар. Ярминкәдән алган табышны алар чыгарылыш кичәсенә тотачаклар. Афәрин укучылар!

1 апрель көнне мәктәбебездә Россия чемпионы титулын яулаган 9 класс укучысы Зарипов Фаязга багышланган чара узды. Чарада Арча муниципаль районы башкарма комитеты җитәкчесенең социаль мәсьәләләре буенча урынбасары Мифтахутдинова Надия Равилевна, яшьләр эшләре, спорт һәм туризм бүлеге җитәкчесе Сагитов Зиннур Вазихович һ.б. катнашты.

9 сыйныфта гына укыса да Фаязның яулаган уңышлары шактый, республика күләмендә татарча көрәш дөньясында үзен күптән танытырга өлгерде. Узган ел ул Актанышта узган 1997–1999 нчы елгы яшүсмерләр арасында ТР беренче Президенты кубогына уздырылган  татар–башкорт милли көрәшендә өченче урынны яулаган булса, февральдә Биектауда ТР Беренчелегенә милли көрәш буенча ярышларда 1998–1999 нчы елгы үсмерләр арасында 1 урын алып, Россия Беренчелегенә юлламага лаек булды. Ә 24 март көнне ул Свердловск өлкәсенең Красноуфимск шәһәрендә узган Россия Беренчелегендә Россия Чемпионы булды.