Бүген бакчабызда Әлмәт "Алина" курчак театры үзләренең "Кто сказал пых-пых" дип аталган белорус музыкаль әкиятләрен куеп үттеләр. Балаларга бик ошады. Артистларыбызга олы рәхмәтебезне белдерәбез, иҗади уңышлар теләп калабыз!

Әлеге экологик бәйрәм 1972 елдан билгеләп үтелә. Бүген экологик проблемалар бик күп, ләкин һәркем, аз-азлап булса да, планетабызны саклау өчен үз өлешен кертә ала. Ничек итепме? Гап-гади кагыйдәләрне үтәп.Бүген балалар белән шул турыда сөйләштек.

Ещё один веселый день в садике.

Май аенда Туган көннәрен билгеләп үткән балаларыбызны ихлас күңелдән котлыйбыз.

Кояш яктырак елмая,
Сандугачлар сайрыйлар.
Май гөлләре сабыйларны,
Бәйрәм белән котлыйлар.
 

Балаларны яклау көне!
Матур бер бәйрәм бүген.
Кара болыт капламасын,
Баланың аяз күген.
Шатлык нуры бөркеп торсын,
Һәрчак аның күңеле.
Кирәксезгә яшь түкмәсен,
Тыныч булсын йөрәге.
Яшәсен барлык бала да,
Имин,матур тормышта.
Күкрәп үтсен балачагы,
Ата-ана назында.
Кителмәсен күңелләре,
Сау-сәламәт булсыннар.
Йөзгә кызыллык китерми,
Гомер юлын узсыннар!

 Саф һавада булу балаларны сәламәтләндерү формаларының берсе булып тора. Саф һавада булу, бала организмының тышкы тирәлекнең начар йогынтысына һәм авыруларга каршы тора алуына булышлык итә. Уеннар балаларның яшенә карап сайлана. Төп бурыч - хәрәкәт активлыгын арттыру, яңа хәрәкәтләр белән баету,тизлек, җитезлек, чыдамлылык сыйфатларын үстерү, иптәшләре белән уңай мөнәсәбәт булдыру.

Шәхес формалашу процессында шактый зур рольне сәнгать биләп тора.Ул кешенең рухи дөньясын, әхлакый сыйфатларын формалаштыра, мораль һәм эстетик кыйммәтләрен билгели.Рәсем эшчәнлеге тыгыз рәвештә шәхес үсеше белән бәйле. Рәсем ясаганда аерым функцияләр -үзләштерү, хәтер, игътибар, фикерләү генә түгел, шәхес үзе дә катнаша.

Балалар төсле, матур рәсемле китапларны карарга бик яраталар.Мәктәпкә әзерлек төркемендәге кайбер балалар инде укый да беләләр.Бүген алар авылыбыз китапханәсендә кунакта булдылар. Китапханәче Гөлчәчәк апалары белән яңа китаплар карадылар, матур шигырьләр укыдылар.

Бүген безнең бакчада зур бәйрәм –бакча белән хушлашу! Без бакчабыздагы акыллы, тәртипле кызларны, мәктәпкә белем алырга озатабыз. Менә сез дә, балалар, мәктәп яшенә кадәр үсеп җиттегез! Шуклыклары белән безне сагайткан, шат авазлары белән безне сөендергән, бәйрәмнәрдә, эштә безнең зур ярдәмчеләребез булган балалар бүген балалар бакчасына соңгы тапкыр бәйрәмгә җыелдылар! Ә шулай да бүген күңелләребез шат, чөнки балалар барысы да нинди матурлар.
Хөрмәтле балалар, менә бакчабыздагы соңгы бәйрәм иртәсе ахырына якынлашты. Без сезгә иң изге теләкләрне телибез. Мәктәпне дә бакчаны яраткан кебек яратыгыз, тырышып укыгыз. Сау-сәләмәт, озын гомерле, белемле, акыллы балалар булып үсегез. Болар безнең бакчаныкы диеп безгә сөенеп торырга язсын. Ак юллар сезгә, балалар.

Бүген дусларыбыз белән бергәләп саф һавада хәрәкәтле татар халык уеннары уйнадык.