Вакытны буш уздырмыйбыз!Гел яналыкка омтылабыз.

Бакчабыз территориясен матурлауда зур өлешебезне кертәбез. Хезмәтебез нәтиҗәсе матур чәчәкләребез.

Үстерешле уеннар кечкенәләр белән уйнала һәм аларны төсләрне өйрәнүдә, сөйләм телен һәм вак моториканы үстерүдә кулланып була.

Татар халкының сагынып көтеп алынган Сабантуй бәйрәме борынгы һәм яңа бәйрәм, халкыбызның гореф-гадәтләре, йолалары, җырлары һәм биюләре бергә кушылган хезмәт бәйрәме. Бәйрәм атамасы борынгы төрки “сабан” һәм “туй” сүзләреннән килеп чыккан. Элегрәк Сабантуй карлар эреп беткәч, язгы кыр эшләренә 2-3 атна кала үткәрелгән, хәзер аны кыр эшләре тәмамлаганнан соң бәйрәм итәләр.
Рәсемдә Сабантуй бәйрәмендә уйнала торган милли уеннарны чагылдырдык

Кечкенәләр төркемендә балалар белән су асты дөньясы турындагы белемнәрне камилләштерү. Дидактик уен "Предметларны эзләп тап". Дөге ярмасы арасыннан төрле балыкларны табу, исемнәрен атау.

"Урман-безнең дустыбыз!"Бүген балалар белән шушы темага әңгәмә кордык, урманда үз-үзеңне тоту кагыйдәләрен искә төшердек. Матур һәм пөхтә итеп урман күренешен әвәләдек.

Бүген бакчабызда Әлмәт "Алина" курчак театры үзләренең "Кто сказал пых-пых" дип аталган белорус музыкаль әкиятләрен куеп үттеләр. Балаларга бик ошады. Артистларыбызга олы рәхмәтебезне белдерәбез, иҗади уңышлар теләп калабыз!

Әлеге экологик бәйрәм 1972 елдан билгеләп үтелә. Бүген экологик проблемалар бик күп, ләкин һәркем, аз-азлап булса да, планетабызны саклау өчен үз өлешен кертә ала. Ничек итепме? Гап-гади кагыйдәләрне үтәп.Бүген балалар белән шул турыда сөйләштек.

Ещё один веселый день в садике.

Май аенда Туган көннәрен билгеләп үткән балаларыбызны ихлас күңелдән котлыйбыз.

Кояш яктырак елмая,
Сандугачлар сайрыйлар.
Май гөлләре сабыйларны,
Бәйрәм белән котлыйлар.