Яңа Кенәр урта мәктәбендә милли көрәш ярышлары узды. Әлеге ярышларда мәктәбебезнең 6 класс укучысы Кәримов И., 8 нче класс укучылары Сәләхиев И., Кәримов И. катнаштылар. Үз авырлыгы категориясендә Сәләхиев И. 3 урын алды. Тренерлары Сәйфетдинов Р.Р. Уңышлары белән котлыйбыз.

Яңа Кенәрдә узган чаңгы ярышларында мәктәбебездән Абдуллина И., Сәләхиев И., Сабирзянов С. катнашты. Үзенең яшь группасында Сәләхиев И. 2 урын алды. Тренерлары Сәйфетдинов Р.Р. Котлыйбыз, алдагы ярышларда да уңышлар телибез. 

Мәктәбебездә "Барыбыз да бозга!" акциясе үткәрелде. Укучылар, укытучылар чарада актив катнаштылар. 

29 декабрь көнне 9 класс укучылары белән җәмгыять белеменнән һәм татар теленнән  сынау имтиханы үткәрелде. Укучылар үзләренең белемнәрен сынап карадылар.

Быелгы уку елында фәннәр буенча үткәрелгән район олимпиадаларында 1 җиңүче һәм 7 призёр укучыларыбыз бар. Татар теленнән Шакирова Э, Гайфуллина Д, Ибрагимова Д, татар әдәбиятыннан Закирова Г, Сабирҗанов С,  русский языктан Садыйкова Д, экологиядән Фазылҗанов А призёр, татар әдәбиятыннан Фазылҗанов А җиңүче булды. Укучыларны уңышлары белән чын күңелдән котлыйбыз, алга таба да зур җиңүләр теләп калабыз! 

Яңа ел могҗизалы, серле бәйрәм. Укучылар Чыршы бәйрәмен, Кыш бабай,Кар кызын ел буе көтәләр. Мәктәптә үткәрелгән Яңа ел бәйрәмнәрендә аларның теләкләре чынга ашты. Кыш бабай сюрпризлары, бүләкләр аларны ң күңеленә хуш килде.  Балалар да җавапсыз калмады:  үзләренең матур җырларын, биюләрен, шигырьләрен бүләк иттеләр, уеннар уйнадылар. Яңа ел кичәләре күңелле һәм мавыктыргыч үтте.