23 февраль - Ватанны саклаучылар көне, ул - көч, түземлелек, мәрхәмәтлелек һәм туган җиреңә карата мәхәббәт бәйрәме.Шушы уңайдан мәктәбебездә күңелле кичә үткәрелде. Ул 5 класс укучыларының котлавы , мәгънәле инсценировка, җыр - биюләр белән үрелеп барды.  

21 февраль - бөтендөнья тел көне буларак билгеләп үтелә. Бу көнне без туган ягыбызның һәм туган телебезнең байлыгына, иркенлегенә, матурлыгына тагын бер кат инандык. Укучылар туган телне ничек яратуларын дәлилләделәр. Татар милләтен бөеклеккә күтәргән шагыйрьләребез искә алынды. Кичәдә Г.Тукайның әсәрләре сәхнәләштерелде, матур шигырьләр яңгырады. Кичә Г.Тукайның "Туган тел" җырын күмәк җырлау белән тәмамланды.

 В нашей школе прошло всероссийское образовательное  мероприятие  на тему " Приватность в цифровом мире". Оно направлено на развитие ключевых компетенций цифровой экономики школьников, а также их ранюю профориентацию в сфере информационных технологий. Основной целью данного занятия было получение знаний по безопасности в сети и их применение.

6 нчы сыйныф укучылары Әфган сугышында катнашкан  Галиев Тәбрик Габделнур улы белән очраштылар.

Ученица 9 класса  Гарипова Зарина стала призёром заключительного  этапа республиканской олимпиады по литературе. Поздравляем с победой, желаем дальнейших успехов!

Татар теле һәм әдәбияты укытучысы Нуриева Т.Н. герой- шагыйрь Муса Җәлил туган көнгә багышланган әдәби кичә уздырды, классларда тәрбия сәгатьләре узды, күргәзмә оештырылды.  Укучылар аның тормыш юлын,  үлмәс иҗатын тагын бер кат искә алдылар. Шигырьләрен сөйләделәр, кургәзмәдәге китаплар белән таныштылар.

Физкультура олимпиадасының республика этабында 9 нчы сыйныф укучысы Гарипова З. призёр булды. Укучыбызны һәм аның җитәкчесе Мостафин Р. Р.ны уңышлары белән котлыйбыз, киләчәктә дә уңышлар телибез!

Әфганстан..... Күпләрне тетрәндергән сүз бу. Леонид Брежнев Әфганстанга совет гаскәрләре кертелү турындагы хәбәрне Үзәк телевидение буенча 1979 нчы елның 25 нче декабрендә игълан итте. Фәкать 1988 нче елның 15 нче маенда гына чит илдәге гражданнар сугышыннан совет гаскәрләре чыгарыла башлады һәм, ниһаять, 1989 нчы елның 15 нче февралендә соңгы совет солдаты Әфганстан чиген атлап чыкты. 9 ел 51 көн буена барган сугыш булды бу җирдә.

 Шагыйрь Муса Җәлил үзенең бөтен гомерен туган иленә, туган халкына багышлады. Аның бөтен тормышы — героик тормыш ул. Муса Җәлил шигырьләрендә туган халкының азатлыгы өчен көрәштә үзен корбан итәргә әзер торган көрәшче образы тудыра, үзе дә халык эше өчен соңгы сулышына кадәр аяусыз көрәшә. Ул халык эше өчен көрәшергә биргән антын тиңдәшсез батырлык, искиткеч ныклык белән үти, үз халкының азатлыгы өчен соңгы тамчы канынача сугыша.