Халык иҗаты өлкәсендә сәләтле балаларны ачыклау, үстерү һәм аларга ярдәм итү, балаларның шәхси уңышларын үстерү, аларны этномәдәни мирас кыйммәтләренә җәлеп итү максатыннан Арча муниципаль районында «Без бергә " Республика балалар сәнгать фестиваленең муниципаль этабы узды.

«Россия сувенирлары» декоратив-гамәли эшләнмәләр күргәзмәсендә халык (һөнәр) мәдәнияте традицияләрендә эшләнгән һәм төрле материаллардан: тукымалар, җепләр, тире, агач, каен, балчык, металлдан эшләнгән эшләр тәкъдим ителде.

«Без бергэ» Фестиваль-конкурсы ике яшь төркемендә (кече һәм урта төркем) һәм түбәндәге номинацияләр буенча үткәрелә: халык вокалы, халык вокаль ансамбле, хореография, инструменталь ансамбль, сәнгатьле уку,мода театры (этнографик костюмнар, заманча костюмнар),театр иҗаты. Конкурста мәктәбебез укучылары да актив катнаштылар.

Әниләребез ике командага бүленеп эшлекле уенда катнаштылар, үзләренең уңганлыкларын, осталыкларын күрсәттеләр. Укучыларыбыз әниләрен бәйрәм белән котладылар.

Бөтендөнья гражданнар оборонасы көне 1990 елда Халыкара гражданнар оборонасы оешмасы Генераль Ассамблеясы карары буенча гражданнар оборонасы һәм оборона милли хезмәтләре башкара торган мөһим бурычларга — гомерен һәм әйләнә-тирә мохитне саклап калуга җәмәгать игътибарын җәлеп итү максатларында гамәлгә куелды. Бәйрәм датасы итеп Халыкара гражданнар оборонасы оешмасы уставы (1972 елның 1 марты) үз көченә керү көне сайланган, аны кабул итү хөкүмәтара оешма статусы биргән. 

МЧС хезмәткәре Хәкимуллин С.Г.укучыларны янгын куркынычсызлыгы кагыйдәләре белән таныштырды.Янгын булган очракта үзеңне һәм янәшәдәге кешеләрне саклау  чараларын өйрәтте.

"Туган телләр һәм халыклар бердәмлеге елы"на  багышланган "Мин Татарстанны яратам" районкүләм шигырь конкурсында 2 нче сыйныф укучысы Әхмәтова Р.  3 нче урынны, 6 нчы сыйныф укучысы Хамидуллина К. 1 нче урынны яулады. Котлыйбыз!!!

9 класс укучылары Бөек Ватан сугышында һәлак булган авылдашларыбыз 

истәлегенә куелган һәйкәлгә чәчәкләр салды.