һәлакәтләре күп очракта кечкенә җәяүлеләр аркасында барлыкка килә.Рәсем шөгыле вакытында без бу белемнәребене ныгытабыз.

Ноябрь аеның соңгы якшәмбесен без Әниләр көне буларак билгеләп үтәбез. Шушы бәйрәм уңаеннан әниләребезгә үз кулларыбыз белән бүләк ясадык, аларга изге теләкләр юлладык.

Бүген бакчабызда зур бәйрәм - тәрбияче ярдәмчесе Саляхова Тәнзилә Котдусовнага 55 яшь. Без аны ике "5" ле куелган юбилее белән котлап, үзебезнең иң изге теләкләребезне җиткердек.

Кыш килүне күптән көттек. Чөнки кыш җитү белән бөтен тирә-як ап-ак кар белән каплана. Ә безгә шул гына кирәк тә. Бакчада вакытта да, өйгә кайткач та рәхәтләнеп саф һавада чанада, чаңгыда шуып була. Без инде хәтта тимераякта да шуа алабыз. Спортны яратсаң гына таза-сау булып үсеп була. Безгә кышын бик рәхәт, ә менә канатлы дускайларыбыз өчен авыр көннәр башланды. Ләкин безнең кебек дуслары бар вакытта, аларның тамаклары тук булыр. Без аларны көн дә ашатабыз, күзәтәбез.

Иртән ирекле уеннар вакытында конструкторлар белән уйнап, без үзебезнең уйлау-фикерләү сәләтен үстерәбез. Беренче карашка гади генә күренгән конструктордан хәтта мульфильм геройларын да ясый балалар. Алар бу эшне күмәкләшеп эшләргә яраталар. Мондый уеннар дуслык хисләрен ныгыта, балаларны сабырлыкка өйрәтә

Юл йөрү кагыйдәләре
Безнең иминлек өчен.
Өйрән син аларны дустым
Куеп бар булган көчең.

ЮХИДИ хезмәткәрләре бүләк итеп алып килгән бу азбука ярдәмендә без юл билгеләрен өйрәнәбез. Бу машиналар белән дөрес хәрәкәт итеп, безнең булачак шоферлар киләчәктә юлда дөрес хәрәкәт итәргә, дөрес тизлек сайларга өйрәнәләр.

Мәктәпкә әзерлек төркеме балалары белән саф һавада сезонлы үзгәрешләрне күзәтәбез. Балалар бакчасы территориясендәге агачларның исемнәрен ачыклыйбыз. Танып белү эшчәнлегенә нигезләнеп, агачларның биек, ә куакларның тәбәнәк икәнлекләрен чагыштырабыз. Бу бер яктан сүз байлыгын арттырса, икенче яктан балаларның сөйләм телен үстерүгә дә зур этәргеч ясый, экологик тәрбия бирә.

Сөйләм телен үстерү шөгылендә әкиятләр укырга яратабыз. Шул әкиятләрдәге уңай һәм тискәре персонажларны билгелибез. Ни өчен дөрес эшләмәгән, үзеңне ничек үзгәртеп була дигән сорауларга бергәләп җавап эзлибез. Үзебезгә ошаган әкитяләрне рәсемдә дә сүрәтләргә яратабыз. Уртанчылар һәм зурлар төркеме балалары белән матур әкият геройлары ясыйбыз.

Балаларга хезмәт тәрбиясе бирү  никадәр иртәрәк башланса, ул шулкадәр отышлы булачак. Бүлмәдә генә түгел, саф һавада уйнаганнан соң да уенчыкларны бергәләп тәртипләп тезеп куярга өйрәтеп, без нәниләрне хезмәт белән тәрбиялибез. Мәктәпкә әзерлек төркеме балалары бу эшне аеруча яратып башкара. Нәниләр белән бергәләп эшләү аларда берьяктан бердәмлек хисләре тәрбияләсә, икенче яктан, нәниләргә карата хөрмәт тә уята. Балалар кече яшьтән үк хезмәтне яратып үссеннәр өчен тырыша тәрбиячеләребез.