Студентлар белән истәлекле очрашу булып узды. Элеккеге укучыларыбызга укытучылар , дуслары белән аралашу мөмкинлеге тудырылды. Югары класс укучылары үзләрен кызыксындырган сорауларга тулы җаваплар алдылар.

"Минем балам һәм аның дуслары " дигән темага үткәрелгән ата-аналар җыелышында участок инспекторы Хайрутдинов Р.В. һәм Җирле үзидарә башлыгы Камалиева Н.М. да катнашты

Бүген мәктәптә район башлыгы призына милли көрәш буенча зона ярышы булып узды. Монда Буа , Апас, Кайбыч, Яшел Үзән районнарыннан килгән егетләр бил алыштылар. Бу көрәштә Апас егетләре беренчелекне бирмәде. Район башлыгы  җиңүчеләргә тәкә  һәм  телевизор тапшырды.

Бүген район башлыгы призына хоккей ярышы узды. Дүрт команда арасында безнең мәктәп командасы беренчелекне алды. Җиңү кубогы Борнаш мәктәбендә калды.

Район үзәгендәге "Алтын алка " боз сараенда хоккей сезоны ачылуга багышланган ярышлар булып узды. Безнең мәктәп командасы 2 урынга лаек булды. Молодцы егетләр!

Кышкы каникул чорында мәктәптә кышкы лагерь эшләде. Балалар өчен файдалы күп чаралар үткәрелде. Янгын сүндерү депосына экскурциягә барып һәм ЮХИДИ инспекторы белән очрашып тормыш иминлеген саклау буенча белемнәрен ныгыттылар.

Яңа ел кичәсе бай эчтәлекле, кызыклы һәм күңелле үтте. Башлангыч класс укучыларының чыгышы аеруча мавыктыргыч булды.

"А ну-ка, давай ка плясать выходи"  дигән район конкурсында 8 класс укучылары Нәбиуллина Ә. һәм Шакиров З. уңышка ирештеләр.

Укучылар район фән олимпиадаларына ныклы әзерләнәләр, һәм бик теләп йөриләр. Менә инде нәтиҗәләр дә күренә башлады тарихтан 7 класс укучысы Мингалиева Д. 1 күрсәткеч, җәмгыять белеменнән 8 класс укучысы Гыйниятуллин А. 1 күрсәткеч, физикадан  11класс укучысы Сиразов А. 1 күрсәткеч. Киләсе олимпиадаларга да укучыларга уңышлар телик

Мәктәптә 18 ноябрьдән 23 ноябрьгә кадәр аралыкта төгәл фәннәр атналыгы булып узды. Монда математикадан 5-7,9-11 класс укучылары төрле уеннарда катнашты.8 класслар информатикадан "100гә 1" уеныннда көч сынашты. 10-11 классларның "Физиканы беләсеңме?" интелектуаль уены да бик кызыклы булды.