9 апрель көнне 9 класс укучыларының ата-аналар җыелышы булды. Укучыларның бердәм дәүләт имтиханнарына әзерлеге каралды.Җыелышта рус теле укытучысы Нагимова З.Ө., математика укытучысы Фатхуллина Л.Х.чыгыш ясады, мәктәп һәм район күләмендә үткәрелгән биреп карау имтиханнарына анализ ясадылар.

Укучылар республика күләмендә үткәрелә торган "Зирәк тиен" уен - бәйгесенендә катнаштылар.

<span class="Apple-style-span" pt="" sans',="" sans-serif;="" font-size:="" 14px;="" line-height:="" 18px;="" "="">8 апрель көнне "Яшьлек" мәдәни үзәгендә Рим Мостафин истәлегенә беренче район кинофестивале үткәрелде. Видеороликлар конкурсында безнең мәктәпнең 7 класс укучысы Мукимова Марсельеза 1 урынны алды. Җитәкчесе Варина Г.С.кубок белән бүләкләнде. Котлыйбыз!

2 апрель көнне мәктәптә "Яңа информацион технологияләр кулланып,конкурентлыкка сәләтле, креатив фикерләүче китап укучы тәрбияләү" темасына район китапханәчеләре семинары уздырылды. Семинарда ачык дәресләр, Бөек Җиңүнең 70 елллыгына багышланган әдәби-музыкаль чара үткәрелде.

 Казан шәһәренең 81 нче мәктәбендә узган XIII Каюм Насыйри исемендәге төбәкара фәнни-тикшеренү укуларында безнең мәктәп укучылары Фатхуллин Ранис (җитәкчесе Гильманова И.Р.), Мукимова Марсельеза (җитәкчесе Нагимова З.Ө.) катнаштылар һәм уңышлы чыгыш ясап дипломга ия булдылар.

Мөслим гимназиясендә үткәрелгән Фоат Садриев укуларында катнашып, 9 класс укучысы Хуҗина Гөлнара "Ф.Садриев - юмор остасы" дигән темага чыгыш ясап сертификатка ия булды. Җитәкчесе Гаянова Ф.Г.

30 март көнне аерым фәннәрне тирәнтен үзләштерүле 2 нче Актаныш мәктәбе базасында мәктәп директорлары һәм тәрбия эшләре буенча директор урынбасарларының "Профилактика наркомании и ПАВ в образовательных организациях района" темасына ведомствоара семинары узды. Семинарны мәктәп директоры Вахитов Илшат Рәфит улы ачып җибәрде. Биредә укучы балаларның сәхнәләштерелгән чыгышлары тәкъдим ителде. 

30-31 март көннәрендә Актаныш районы глава призына милли көрәш ярышлары булды. Анда безнең мәктәптән 36 кг. массалы үлчәүдә Харисов Нәркиз, Вакилов Ленар, Харисов Гадел катнашты. Команда дүртенче урынны алды.

2 апрель көнне ТР мәгариф министры Энгель Нәвап улы белән мәктәп директорлары, мәгариф бүлеге белән видеоконференция үтте.
Анда төрле мәсъәләләр каралды : мәгариф бүлегендәгеләрнең хезмәт хаклары, белем сыйфатын арттыру буенча, имтиханнарның нәтиҗәләре буенча, зур киңәшмә булып узды.

25 март көнне беренче санлы Актаныш мәктәбе базасында укучылар тарафыннан ясалган иң гади авиамодельләр конкурсы булды. Безнең мәктәптән 7 класс укучысы Харисов Газиз “Муха” вертолетының максималь ераклыкка очуы” номинациясендә 2 урынны алды һәм диплом белән бүләкләнде.