26 февраль көнне "Яшьлек" милли-мәдәни үзәгендә педагоглар арасында профессиональ конкурсларның район этабына нәтиҗәләр ясалды һәм җиңүчеләрне котлау булды. Безнең мәктәптән рус теле һәм әдәбияты укытучысы Нагимова Зилә Өлфәт кызы «За сохранение русского языка» номинациясендә җиңүче булды. 

Пожарларны кисәтү максатыннан классларда класс сәгатьләре үткәрелде. Презентацияләр күрсәтелде, аңлату эшләре алып барылды, укучыларга инструктажлар үткәрелде.

26 һәм 27 февраль көннәрендә Кадет мәктәбендә Сингапур укуларының икенче этабы узды.Укуларда Тат.Ямалы, Яңа Әлем, Чалманарат, Кадет, Аеш мәктәбе укытучылары катнашты. Ике көн дәвамында укулар бик эшлекле, файдалы, күңелле үтте.

21 февраль көнне мәдәният йортында Ватанны саклаучылар көненә карата укучылар тарафыннан бәйрәм концерты күрсәтелде.

"Тынычлык хакына" дип аталган район шигырь конкурсында 6 класс укучысы Ситдиков Ирек, 3 класс укучысы Сабирова Сөмбел, 4 класс укучысы Маликов Тәлгат Актаныш үзәк балалар китапханәсенең Рәхмәт хатына лаек булдылар.

21 февраль көнне мәктәптә Туган тел көне үткәрелде. Укучылар туган тел турында шигырьләр сөйләделәр, җырлар җырладылар. Оештыручы татар теле һәм әдәбияты укытучысы Гаянова Ф.Г.

 Район күләмендә уздырылган "Иң яхшы проект" конкурсында 1 һәм 3 класс укучылары (җитәкчеләре Мохтарова Ә.А.,Гафурова А.И.)  беренче урынны, ә 2 класс укучылары (җитәкчесе Гардиева Ф.В.) икенче урынны алдылар. Котлыйбыз!

Әфган җиреннән совет гаскәрләре чыгарылуга 26 ел тулу уңаеннан интернационалист - сугышчыларны искә алу көне уздырылды.

Бөек Җиңүнең 70 еллыгына багышланган, район үзәк китапханәсе оештырган шигырь конкурсында безнең мәктәптән Маликов Тәлгат, Сабирова Сөмбел, Ситдиков Ирек катнаштылар.

Башлангыч класс укучылары район күләмендә узачак иҗади-эзләнүле проект эшенә әзерләнәләр. Аларга уңышлар телибез!