30 март көнне аерым фәннәрне тирәнтен үзләштерүле 2 нче Актаныш мәктәбе базасында мәктәп директорлары һәм тәрбия эшләре буенча директор урынбасарларының "Профилактика наркомании и ПАВ в образовательных организациях района" темасына ведомствоара семинары узды. Семинарны мәктәп директоры Вахитов Илшат Рәфит улы ачып җибәрде. Биредә укучы балаларның сәхнәләштерелгән чыгышлары тәкъдим ителде. 

30-31 март көннәрендә Актаныш районы глава призына милли көрәш ярышлары булды. Анда безнең мәктәптән 36 кг. массалы үлчәүдә Харисов Нәркиз, Вакилов Ленар, Харисов Гадел катнашты. Команда дүртенче урынны алды.

2 апрель көнне ТР мәгариф министры Энгель Нәвап улы белән мәктәп директорлары, мәгариф бүлеге белән видеоконференция үтте.
Анда төрле мәсъәләләр каралды : мәгариф бүлегендәгеләрнең хезмәт хаклары, белем сыйфатын арттыру буенча, имтиханнарның нәтиҗәләре буенча, зур киңәшмә булып узды.

25 март көнне беренче санлы Актаныш мәктәбе базасында укучылар тарафыннан ясалган иң гади авиамодельләр конкурсы булды. Безнең мәктәптән 7 класс укучысы Харисов Газиз “Муха” вертолетының максималь ераклыкка очуы” номинациясендә 2 урынны алды һәм диплом белән бүләкләнде.

Мәктәптә "Белем сыйфатын күтәрүнең төп шарты - укучыларда һәм укытучыларда уңай мотивация формалаштыру" дигән темага педсовет үткәрелде. Шулай ук өченче чирек нәтиҗәләре, имтиханнарга әзерлек турында фикер алышынды

Район күләмендә Габдулла Тукай иҗатына багышланган шигырь укучылар бәйгесендә 9 класс укучысы Фатхуллин Ранис 3 урынны алды. Җитәкчесе Гаянова Ф.Г.

4 класс укучылары һәм ата-аналары ОРКСЭ фәне буенча мониторинг үттеләр.

Бүген икенче санлы Актаныш мәктәбе базасында 9 сыйныф укучылары математикадан имтихан биреп карыйлар. 

Бүген 24 март көнне 9 класс укучылары рус теленнән ОГЭ биреп карыйлар. Аларга уңышлар телибез.

Мәктәбебездә мәрхәмәтлелек атналыгы башланып китте. Атналык планына "Балалар бакчасына уенчык бүләк ит!", "Без - тимурчылар", "Сыерчык ояларына конкурс", "Һәйкәлгә шефлык", "Чишмә" операциясе һ.б. шундый игелекле эшләр кертелде. Мәрхәмәтлелек бер генә атна түгел, ә һәрвакыт игътибар үзәгендә булыр дип ышанабыз!