Кадерле хатын-кызлар - әниләр, әбиләр, апалар, сеңелләр! Сезне чын күңелдән 8 Март бәйрәме белән котлыйбыз. Сезгә иң изге теләкләр телибез, якыннарыгызның игелеген күреп яшәргә язсын сезгә Ходай. Салкын, озын кышлардан соң килгән бу беренче Яз бәйрәме, иң гүзәл бәйрәмнәрнең берсе. Бу бәйрәм сезгә тормыш яме, яшәү көче өстәсен. Бәхет нурында коенып, назга күмелеп, сөеп-сөелеп яшәгез. Бәйрәм белән!!!

7 нче март көнне мәктәбебезнең гүзәл һәм уңган кызларына багышланган “Яз гөлләре” дип аталган кичә үткәрелде. Чарада 5-9 класстан эшкә уңган, тапкыр, зирәк, төскә матур, сылу кызларыбыз катнашты. Кичәнең беренче конкурсы – визитка. Художниклар ярышында кызлар төрле ярма, бөртек һәм үсемлек төшләреннән 8 мартка картина ясадылар. “Буш суыткыч”ны ризыклар белән тутырдылар. “Иң оста пешерүче” конкурсында кызларның көнкүрештә, аш-су әзерләүдә тапкырлыгы сыналды. “Кул эшләре” бәйгесендә бизэнгеч (браслет, йөзек, чәч кыстыргыч) ясадылар. Кичә дәвамында мастер-класслар, истәлекле мизгелләрне чагылдырган видеоязмалар күрсәтелде. Бәйрәм кичәсен Гараева А.Ф. оештырды һәм үткәрде.

22 нче февраль көнне район күләмендә инглиз теленнән "Письмо другу" конкурсы булды. Безнең мәктәптән Гарифуллина Элина катнашты. 

Барлык ир-егет укытучыларны 23 февраль - Ватанны саклаучылар көне белән тәбрик итәбез! Илебездә тынычлык, күгебез аяз булсын!

22 нче февраль көнне мәктәптә "Туган тел" көне уңаеннан татар теле һәм әдәбият укытучысы Закирова М.К. әдәби кичә үткәрде.

Бүген 22 февраль көнне 23 февраль - Ватанны саклаучылар көне уңаеннан " Ягез әле, егетләр!" спорт ярышы узды. Табышмакларга җавап эзләү, егетләрнең җитезлеген төрле бәйгеләрдә сыналды

21 нче февраль көнне 4 нче класс укучысы Ханов Рүзәл район күләмендә рус теле олимпиадасында җиңү яулады, призер булды.

20 нче февраль көнне район күләмендә 5-6 нчы класс укучылары арасында "Кто грамоте горазд, тому не пропасть" конкурсы булды. Безнең мәктәптән Салихьянова Ильвина катнашты.

20 нче февраль көнне 2 нче һәм 3 нче класс укучылары Варина Диләфрүз, Шаймухаметов Булат, Кашапов Камиль, Авзалов Риназ, Гайнетдинова Луиза Л.Н. Толстой елына багышланган фәнни-гамәли конференциясендә проект эше белән чыгыш ясадылар. 2 нче класс укучылары район буенча 1 нче урынга лаек булдылар.

20 нче февраль көнне "Йолдызлык" фестиваленең йомгаклау гала концерты булды. Безнең мәктәптән Гатин Аяз I нче дәрәҗә лауреат, 2 нче класстан Кашапов Камил III нче дәрәҗә лауреат, 1 нче класстан Зарипова Илзирә һәм күмәк бию дипломант булдылар. Киләчәктә дә аларга уңышлар телибез!