Бүген 11 сыйныф укучылары җәмгыять белеме фәненнән яңа имтихан моделенә  апробация үтәләр.  Эшләү өчен 90 минут вакыт каралган. Шул вакыт эчендә алар 20 сорауга җавап бирергә тиеш.

Бүген мәктәптә татар теленнән диагностик тест үткәрелде. Тест эшләүдә  4, 6,  8 сыйныф укучылары катнашты. 

24 октябрь көнне район күләмендә оештырылган волейбол ярышларында безнең кызлар һәм малайлар командалары уңышларга иреште. 

Шимбә көнне районда үткәрелгән шахмат ярышында безнең укучыларыбыз да катнашты. Алар: Бикмөхәммәтов Илсаф, Кашфразиев Арслангали, Галиева Зәринәләр. Зәринәбез яшьтәшләре арасында мактаулы 3 урынга ия булды. Укучыларыбызга алга таба да зур уңышлар телибез!

Кичә мәктәбебездә укучыларның иң яраткан, көтеп алган бәйрәмнәре - "Көзге бал" булып узды. %-* класс командалары төрле конкурс-бәйгеләрдә үзләренең иҗади сәләтләрен күрсәттеләр. Көзге муллыкны чагылдырган бай өстәлләр бәйрәм күрке булды. Сөмбеләләр бәйгесендә 7 сыйныф укучысы Гыйльманова Рәмзиләгә тиңнәр табылмады. Ә командалар арасында 1 урынга - 7,8 сыйныфлар, 2 урынга 5,6 сыйныфлар лаек булды.

21 октябрьдә  профориентация буенча 7-8 сыйныф укучылары районнан килгән тест эшләделәр.

Мәктәбебездә һәр көн иртәнге гимнастика була. 

Бүген безнең мәктәбебездә укытучылар көне билгеләп үтелде.