Бүген безнең мәктәп базасында Мари Суыксуы, Иске Кормаш, Яңа Кормаш, Адай мәктәбе  укытучылары  өчен сингапур методикасын өйрәнүнең өченче этабы башланды. 

Бүген Татар Суыксуы участок амбулаториясендә район хастаханәсе врачлары тарафыннан 2-11 сыйныф укучыларына медицина күзәтүе үткәрелде. 

Атналык барышында 1-4 сыйныф укучылары үзләренең татар халык авыз иҗатын яратуларын, әкият, табышмакларны бик күп белүләрен исбатлауны  дәвам итәләр. 

Бүген башлангыч сыйныфлар атналыгы кысаларында "Тапкырлар кичәсе" булып узды. Кичәдә укучылар табышмаклар әйтештеләр, зирәклеккә биремнәр чиштеләр. 3 сыйныф укучысы Гыйльфанов Динар "Иң сәләтле, иң зирәк" исеменә лаек булды. Кичәдә укучылар барсы да бик актив булдылар.

Мәктәптә башлангыч сыйныфлар атналыгы дәвам итә. 

Бик тиз генә үтеп киткән көзге каникуллардан соң бүген икенче чирекнең беренче атнасы башланып китте. Иртәнге линейкада көзге каникулга йомгак ясалды, укучылар барланды, атналык план белән таныштырылды. Укучыларның   киеренке чоры - олимпиадалар башлана. Укытучылага да, укучыларга да зур уңышлар теләп, хәерле сәгатьтә икенче чирекне башлап җибәрәбез!   

Бу атнада мәктәптә башлангыч класс укучылары өчен “ Татар халык авыз иҗаты иленә сәяхәт” исемле атналык үткәрелә.

Беренче чирекнең соңгы атнасы да тәмамланып килә. Укучыларның һәм укытучыларның бу көннәрдә эшләре бик тыгыз. Контроль эш, тест, зачет кебек эшләр белән беррәттән ата- аналар белән эшне дә онытмаска кирәк. Шуны истә тотып, бу атнада классларда ата-аналар җыелышлары булып узды. 

Бүген башлангыч сыйныф укытучылары балаларга юлда йөрү кагыйдәләре турында аңлаттылар. 

Бүген безнең мәктәп базасында районкүләм "Математик карусель" бәйгесе булды. Барлык мәктәпләрдән дә 5-6 сыйныф укучылары мәсьәләләр чишү буенча көч сынаштылар.