Укучыларда экологик тәрбия, табигатькә карата сакчыл карашны арттыру өчен 6 нчы апрель көнне 8 нче класс укучылары белән “ Безне чолгап алган дөнья” дип исемләнгән тәрбия сәгате үткәрелде.Класс җитәкчесе Илнар Шәйхенурович укучыларга экологик проблемалар,аларны чишү юллары һәм эйләнә-тирә табигатьне сакларга кирәклеге турында сөйләде, тәрбияви презентация күрсәтте.

 4 апрель мәктәбебездә традициягә кереп киткән авиапланерларга конкурс булып узды. Һәр елдагыча укучылар бу конкурска бик нык әзерлек белән катнаштылар. Җиңүче укучыларыбыз 6 нчы сыйныф укучылары Мифтахов Адель һәм  Султанов Динарлар танылды. Алар 5 нче апрель  көнне район күләмендә үздырылган “ Моделирование авиапланеров “конкурсында катнашып  Мифтахов Адель-3 урын яулап кайтты. Аларга алга табада уңышлар телибез.

6 нчы апрель  көнне 4 нче сыйныф  укучылары төрле темаларга багышланган проект эшләрен якладылар. Берсеннән-берсе кызык һәм мавыктыргыч презентацияләрне карау укучыларга бик ошады.

4 нче апрель көнне ата-аналар җыелышы булып узды. Сөйләшүләр башта һәр класста үтте. Соңыннан авылның медигы һәм полиция хезмәткәре ата-аналарга эчтәлекле чыгыш ясадылар. Мәктәптәге кайбер яңалыклар белән мәктәп директоры Магданов Айгиз Хәлил улы таныштырып үтте.

Террорчылык- барлык дөньяга куркыныч тудыручы иң начар күренешләрнең берсе. Аңа каршы көрәшне арттыру һәм балалар арасында аңлату эшләрен алып бару өчен 5 нче апрель көнне 8 нче класс укучылары белән  Илнар Шәйхенурович  “ Террорчылык белән  көрәшәбез!” дип аталган класс сәгате үткәрде. 

В рамках акции, посвященной популяризации электронных государственных услуг в «Международный день Интернета», 4 апреля  в МБОУ «Сафаровская СОШ» учитель информатики Гилмуллина Ч.З. ознакомила учащихся 5-8 классов  порталами государственных услуг РТ и РФ, возможностями онлайн-банков.

Также в  «Международный день Интернета», 4 апреля  в МБОУ «Сафаровская СОШ» для  учащихся 9-11 классов были проведены практические занятия на компьютерах,  с целью ознакомления их порталами государственных услуг РТ и РФ, возможностями онлайн-банков.

4 нче апрель көнне 1-4 класс укучылары “Кошларны каршылап”дигән тема астында рәсем конкурсы уздырдылар. Алар үзләре яраткан кошларын рәсемгә төшергәннәр. Атна азагында аларга урыннар чыгарылып,нәтиҗәләр ясалачак.

3 нче апрельдән 8нче апрельгә кадәр башлангыч  класслар атналыгы башланып китте. Атналык линейкада план белән таныштырылды.  “Без көчле, без җитез, без бердәм” девизы  астында спорт уеннары бик күңелле үтте.

24 нче март көнне химия-биология укытучыларының  “ Методик семинар” дип исемләнгән  район  конкурсы  булып узды. Анда безнең мәктәпнең география һәм биология укытучысы Салихов Илнар Шәйхенур улы катнашып “Йөрәгемне балаларга бирәм” номинациясендә  җиңү яулады.