16 апрельдә башланган атналык бөек татар теленә багышлана. “Моңлы тел ул, нурлы тел ул” баш астында чаралар планы төзелеп куелды.

14 апрель көнне “Без кунакка барабыз” темасы астында балалар бакчасында очрашу булып узды. Укучылар Г.Тукайга, кошларга, туган якка багышланган шигырь сөйләделәр, җырлар, биюләр күрсәттеләр. Очрашу вакытында истәлеккә фотога төштеләр.

13 апрель көнне башлангыч класс укучылары үзләренең проект эшләрен якладылар. Проект эше төрле фәннәрне үз эченә алган иде.
1 класс укучылары арасында математика фәне буенча “Математик могҗиза”кичәсе узды. Балалар төрле кызыклы биремнәр чиштеләр, кызыклы сорауларга җавап бирделәр.

Яр Чаллы шәһәрендә,апрель аенда үткәрелүче социаль-экологик рекламалар конкурсына безнең мәктәп укучыларының да эшләре катнаша. Видеороликлар конкурсына-1, экологик агитацион плакатлар конкурсына-8 эш җибәрелде. Бу эшләр география һәм биология укытучысы Салихов Илнар җитәкчелегендә эшләнде.

“Язгы иртә” дип аталган шигырь конкурсы узды. Барлык укучылар да актив катнашты
Космонавтика көнен дә билгеләп уттек. Балар беренче космонавт Ю.А.Гагарин турында презентация карадылар, викторина сорауларына җавап бирделәр. 

11 апрель көнне башлангыч сыйныф укучылары авыл китапханәсенә сәяхәткә бардылар. “Кошлар кайта туган ягыма” дигән әдәби кичә үткәрелде. Балалар китап турында китаплар белән таныштылар, табышмаклар чиштеләр. 

3-4 сыйныф укучылары арасында “Минем яраткан кошым” темасына сочинение .3 конкурсы уздырылды. Өченче сыйныфтан –Закирова Язилә, 4 сыйныфтан –Габдуллина Зилия җиңүче дип табылды.

Бүген, 10 апрель көнне, башлангыч класслар атналыгы кысаларында, “ Канатлы дусларыбыз” дип аталган рәсем конкурсы үтте һәм урыннар билгеләнде. Балалар кошлар турында сорауларга җавап бирделәр

9 апрель көнне “Кошлар –безнең якын дусларыбыз” темасы астында башлангычлар атналыгы башланды. Ул “ Без кошлардан да җитезрәк” дип аталган күңелле спорт уеннары белән башланып китте. Укучылар ике командага бүленеп көч сынаштылар, нәтиҗәдә дуслык җиңде. 

Антналык кысаларында 5,6,7 класс укучылары белән “ Кошларны беләсезме?” дип аталган кызыклы викторина үткәрелде. Укучылар сорауларга җаваплар бирделәр, төрле кызыклы биремнәрне үтәделәр.