Бурдан кала-уттан калмый диләр.Балаларга пожар куркынычсызлыгы кагыйдәләрен аңлату,аны булдырмау максатыннан 10 октябрь көнне , 5 класс укучылары белән “Пожар куркынычсызлыгы кагыйдәләрен төгәл үтә!” дип исемләнгән класс сәгате үткәрелде. Класс җитәкчесе Илнар абыйлары укучыларга пожар куркынычсызлыгы , аны булдырмау ,пожар булган очракта үз-үзеңне тоту кагыйдәләре турында яхшылап аңлатты.

Мәктәбебез укучылары һәм укытучылары районның мәдәният тормышында да актив катнашалар. 8 октябрь көнне Казан шәһәренең Ленин исемендәге мәдәният йортында, “ Идел-йорт” театр коллективлары фестивале кысаларында Ш.Хөсәеновның “Әни килде” драмасы белән тамашачыларны сөендерделәр. Район данын яклап 6класс укучысы Солтанова Гөлия, 9 класстан Мирхайдаров Разил,10 класстан Шарифзянова Айзирә һәм уытучылар коллективыннан Илнар Шәйхенурович катнаштылар.Аларга киләчәк тә дә иҗади уңышлар теләп калабыз!

6 октябрь-Россия күләмендә агач утырту көне.Бу көнне безнең мәктәп укучылары да агач утырту акциясендә читтә калмады. 8 класс укучылары география-биология укытучысы Илнар Шәйхенурович һәм урманчы Рүзил Насыйров җитәкчелегендә Сәфәр-Киров урманында 3000 гә якын төп карагай үсентеләре утырттылар.

Табигатьне саклау-һәркемнең изге брычы. Шул максатны күздә тотып алдагы көннәрдә “ Планетабызның сәламәтлеген саклыйк!” дип аталган экологик акция үткәреләчәк. Иске,куллану срогы чыккан батарейкаларны җыеп, утильләштерү күздә тотыла. Бу эш география укытучысы Илнар Шәйхенурович җаваплылыгында үтәчәк.

1-10 октябрь аралыгында мәктәптә өлкәннәр ункөнлеге булып узачак. Шушы ункөнлек кысаларында 3нче октябрь көнне 5 класс укучылары белән “ Олыласаң олыны-олыларлар үзеңне” дип аталган класс сәгате үткәрелде.

Балаларда фәнгә карата кызыксыну уяту кечкенә класслардан ук алып барылырга тиеш. 4 нче октябрь көнне,1 класс укучылары,класс җитәкчеләре Диләрә апалары җитәкчелегендә география-биология кабинетында “кунакта” булдылар. Алар белән география укытучысы Илнар Шәйхенурович “ Тау токымнары һәм аларны куллану” дигән темага практик дәрес үткәрде. Балаларга тау токымнары коллекциясе күрсәтелде,аларның килеп чыгышы һәм кулланылышы турында сөйләнелде. 

Юлда бааларның юл йөрү куркынычсызлыгын тәэмин итү максатыннан, 26 нчы сентябрь көнне 5 класс укучылары белән “ Юлда булсаң-бул өлгер!” дип исемләнгән класс сәгате үткәрелде. Класс җитәкчеләре Илнар Шәйхенурович балаларга юл йорү кагыйдәләре, аларны төгәл үтәргә кирәклеге турында аңлатты, укучылар белән фикерләште.

Балаларга хезмәт тәрбиясе бирү-тәрбия процессының аерылгысыз өлеше булып тора. Бу көннәрдә укучылар мәктәп бакчасында көзге уңышны җыеп алу белән шөгыльләнәләр. Бәрәңге,суган,кишер һәм кызыл чөгендер культуралары җыйналып, саклауга төшерелде.

Сентябрь ае терроризмга каршы көрәш айлыгы.Шул уңайдан балалар арасында аңлату эшләре алып бару өчен, 3 нче сентябрь көнне, 5 класс укучылары белән “ Терроризм-җәмгыятькә куркыныч тудыручы” дип аталган класс сәгате үткәрелде

Экология конендә балалар чишмәгә барып якын-тирә территориясен чистарттылар, чәчәклэр белән бизәделәр. Кичке якта чишмә янында алган тәэсирләрен альбом битенә төшерделәр.