Мәктәптән тыш  укучыларның хезмәт тәрбиясен оештыру-класс җитәкчесенең төп бурычы булып тора.  Шуның өчен 20 нче  январь көнне, 7 класс егетләре  Илнар абыйлары җитәкчелегендә аръяк урамга чыгучы басманы кардан һәм боздан чистартып, көрәп куйдылар. Бу эш даими алып барылыр дип уйлыйбыз.

7 касс укучылары  һәр атнаның пәнҗешәмбе көнендә  дөнья, Россия һәм Татарстан яңалыклары белән танышып баруларын дәвам итәләр. Бу атнада  Мухаметов Айдар иптәшләрен яңалыклар белән таныштырды.

Терроризм - бөтен  дөньяга куркыныч тудыручы көч булып тора.  Аны булдырмау, аңа каршы  көрәш максатыннан укучыларга  һәрвакыт аңлату эшләре алып барыла. 21 нче январь көнне 7 класс укучылары белән “ Терроризм-җәмгыятькә куркыныч тудыручы” дип  аталган класс сәгате үткәрелде.

Район күләмендә үткәрелгән “ Геология һәм без” фотографияләр конкурсында безнең мәктәпнең  9 нчы класс укучысы Гилмуллин Илназ  “Туган як табигате” номинациясендә  II  нче урын, Фахриев Илшат  “ Палеонтология” номинациясендә  III нче урыннарны яуладылар.Аларны котлыйбыз, киләчәктә дә уңышлар телибез.

Математика атналыгы кысаларында 2 сыйныф укучылары “ Математика – минем дустым” дигән кичә үткәрделәр. Укучылар бу кичәдә яңа белемнәр алдылар, математик сорауларга җавап бирделәр. Кичә зур җанлылык белән барды. Балаларга бик ошады.

19 нчы гыйнвар көнне 5нче һәм 6 нчы класс укучылары арасында "Кем көчле?" Дип аталган интелектуаль уен булып узды. 1 команда "Зирәкләр" һәм 2 Команда "Дуслык" командалары иде. Ярыш бик кызыклы үтте. Укучылар үзләренә математика өлкәсендә бик кызыклы мәгълүматлар тупладылар. Көчле исемен 5 класс укучылары "Зирәкләр" командасы алдылар!

20 нче январь көнне 1 класста математик КВН үткәрелде. Анда “ Тапкырлар” һәм “Зирәкләр” командалары үзләренең белемнәрен сынадылар. 19 очко белән “ Тапкырлар”  1 нче урынга чыкты. “Зирәкләр”  командасы да күп калышмады, аерма – бары тик 2 очкода.

Бүген, 19 январь, көнне, 9 класс укучылары белән "Excel программасын иң яхшы белүче" исемле конкурс булып узды. Укучылар әлеге программаны белүләрен күрсәтү өчен көч сынаштылар. "Excel программасын иң яхшы белүче" укучылар булып - Гыйлмуллин Илназ, Мирзаянов Айнур, Фахриев Илшат, Шайгарданова Инзилә танылдылар. Молод цы, укучылар!

Бүген укучылар арасында  “Үрнәк математика дәфтәре” конкурсы булып узды. Иң яхшы дәфтәрләр түбәндәге укучыларныкы: 5 класста – Исмагилова Адилә, 6 класста – Зиннурова Ләйсән, Мирзаянова Алинә;  8 класста–  Шархемуллина Алинә, Шайхелисламова Язилә, 10 класста – Ямалетдинова Айзирә, 11 класста – Мирхайдарова Сөмбел, Фазлыева Таңсылу. 

Бүген  мәктәптә 9 класс укучыларының ата – аналары өчен Ачык ишекләр көне булып узды. Алар рус теле һәм математика дәресләрен карадылар. Соңыннан  ОГЭ га әзерлек буенча сөйләштеләр.