11 апрельдән  16 сына кадәр  мәктәптә география һәм биология атналыгы узачак. Атналык алдан әзерләнгән план нигезендә  алып барылачак.

Мәктәбебезнең география һәм биология укытучысы Салихов Илнар Шәйхенур улы  4-9 апрель  көннәрендә Казан шәһәрендә үткәрелгән семьеведение  фәне буенча укуда булып кайтты.

9 нчы апрель көнне башлангыч классларда “Пөхтә дәфтәр “конкурсы булып узды. Җиңүчеләр: 1 нче сыйныфтан-Закирова Я,Курмаков Д, 2 нче сыйныфтан –Тимерова Г, 3 нче сыйныфтан Насифуллина Л ,4 нче сыйныфтан –Юсупов К.

8 нче апрель көнне “Без кунакка барабыз” дигән тема астында  балалар бакчасының мәктәпкә әзерлек һәм кечкенәләр төркеме балалары белән очрашу булып узды. Анда язгы табигатькә, кошларга багышланган шигырьләрне һәм Г.Тукай шигырьләрен яттан сөйләделәр, җырлар җырладылар, биюләр биеделәр. Үз чиратында кечкенәләр дә сынатмады, һөнәрләрен күрсәтеп укучыларны ял иттерделәр. Очрашу ахырында  истәлеккә фотога төштеләр.

Бүген башлангыч класслар атналыгы кысаларында “Без – Тукай оныклары” дигән темада кичә булып үтте. Укучылар Тукайның иҗатына һәм тормыш юлына багышланган фильм карадылар.   Тукайның шигырьләрен, әкиятләрен яттан сөйләделәр. Кичә “Туган тел” җыры белән тәмамланды.

6 нчы апрель көнне  башлангыч сыйныф укучылары китапханәдә кунакта булдылар. Китапханәче Ләйлә апалары аларны яңа китаплар белән таныштырды. Соңыннан “Ирҗан” фильмын карап, аның буенча  фикер алыштылар.

Сегодня в нашей школе состоялся районный семинар учителей технологии по теме “Развитие художественного вкуса, трудовой и творческой активности детей на уроках технологии, сохранение национальных традиций в резьбе по дереву”.

5 нче апрель  көнне 1-4 класслар арасында ГТО нормаларын тапшыруга әзерлек уңаеннан “Без көчле, без җитез, без кыю“ дигән спорт ярышлары булып үтте. Укучылар үзләренең өлгерлекләрен сынадылар.

5 нче апрель көнне башлагыч классларда “Ачык ишекләр көне”үткәрелде. Ата-аналар дәресләр тыңлады. Соңыннан класс җыелышлары булып үтте.

Бөек шагыйребез Г.Тукайның тууына 130 ел тулу уңаеннан, Актаныш үзәк балалар китапханәсе китап укучы балалар арасында “Әдәби герой музее” исемендәге Республика балалар иҗат бәйгесенең район этабында “Г.Тукай әсәрләре – илһам чыганагы” номинациясенә безнең мәктәпнең 5 нче класс укучысы Исмагилова Адилә 2 нче урынны алды.Грамота һәм истәлекле бүләк белән бүләкләнде.  (җитәкчесе – Нурлыгаянова Л.Ш.)