15 нче апрель көнне 5-6 класс укучылары катнашында “ Күп белергә телим” дип исемләнгән географик викторина үткәрелде. “ Ялкын” һәм “ Дуслык” командаларына бүленгән укучылар үзара зирәклектә һәм тапкырлыкта көч сынаштылар. Киеренке көрәштә 23:19 очко исәбе белән “ Ялкын” командасы җиңү яулады.

14 нче апрель көнне  5-8 класс укучылары чыгарган “ Яшь географ”  стенгазеталар элеп куелды.  Укучылар бик тырышып, матур һәм эчтәлекле итеп стенгазеталарын чыгарганнар. Алар каралды һәм нәтиҗәләр чыгарылды: 1 урын: 6 класс, 2 урын: 7 класс, 3 урын: 8 класс, 4 нче урын: 5 класс.

География-биология атналыгы кысаларында  13 нче апрель көнне төрле темаларга багышланган кызыклы видеофильмнар карау оештырылды. Балаларда мондый чара зур кызыксыну һәм мавыгу китереп чыгарды.

2016 ел Татарстанда Су саклау зоналары елы дип игълан ителде. Бу турыда указга Рөстәм Миңнеханов кул куйды. Җәмәгатьчелек игътибарын су объектларын саклау һәм тергезүгә, су биологик ресурсларының яшәү мохитын саклауга, шулай ук халык өчен уңай шартлар тудыруга җәлеп итү буенча кайбер чаралар эшләү планлаштырыла. Шул уңайдан, 13 нче  апрель көнне Балалар иҗат үзәгендә мәктәп укучылары арасында "Иң яхшы  су ресурслары макеты"  конкурсы узды. Безнең мәктәптән Шәрифҗанова Айзирә уңышлы чыгыш ясап, сертификатка лаек булды.

Атналык барышында  1-4 һәм  5-7 класслар арасында  Татарстан республикасында сулыкларны саклау елы уңаенннан рәсемнәр конкурсы булып узды.Нәтиҗәләр түбәндәгечә:  Башлангычлар арасында  1 урын:  Салихов Ф ( 3 кл), 2 урын: Мифтахова К ( 1 кл),  Фатыйхова И ( 4кл) 3 урын: Шакурова А( 4 кл), Марданова Э ( 4 кл), Шарифуллина А ( 2 кл). Югары класслар арасында 1 урын: Зиннурова Л ( 6кл), 2 урын: Фатыйхов А ( 5 кл), Зарипов Р ( 5кл), 3 урын: Мифтахов А ( 5кл).Җиңүчеләрне чын күңелебездән котлыйбыз!.                   

13 нче апрель  көнне 11 класс укучылары  5-10 класс укучыларына төрле темалар буенча ( “ Чиста су - тормыш чыганагы”, “ Россиянең Кызыл китабы” һ.б)  лекцияләр укыдылар. Укучылар зур кызыксыну белән тыңладылар.

12 апреля  в МБОУ «Сафаровская  СОШ»  прошел  урок, посвящённый 55 летию полёта  в космос Юрия Гагарина. В преддверии Дня космонавтики в  школе  прошли классные часы  состоялись беседы о космосе, Ю.Гагарине, презентационные программы, просмотр документальных фильмов, проведение игр и викторин. Школьники с первого по одиннадцатый классы с интересом участвовали  в подготовке  «космических» уроков и мероприятий, изучили биографию Юрия Гагарина, занимались исследовательской деятельностью.  Все было  увлекательно и познавательно.

12 нче апрель көнне “Юрий Гагарин белән  бергә 108 минут” акциясе кысаларында башлангыч классларда  класстан тыш чара узды. “Гагарин- беренче космонавт!” темасына презентация күрсәтелде. Яңадан укучылар сораулар ярдәмендә белемнәрен ныгыттылар. Космос  турындагы белемнәрен баеттылар.

Мәктәптә бүлмә гөлләрең күп булуы  безне бик нык сөендерә. Алар матурлык һәм  чиста һава чыганагы булып торалар. Классларда барлыгы 100 гә якын гөл үстерелә.  Атналык барышында “Иң матур гөл” һәм “ Иң үзенчәлекле гөл дип исемләнгән конкурс уздырылачак.

12 нче апрель - Космонавтика көне буларак билгеләп үтелә.  1961 елның шушы көнендә  Ю.А.Гагарин кешелек тарихында беренче булып космоска күтәрелә һәм Җир шарын әйләнеп чыга. Шул уңайдан 7 нче класс укучылары белән  “Космосны буйсындыру”  дип исемләнгән класс сәгате үткәрелде.