23 нче февраль - Ватанны саклаучылар көне. Шул уңайдан 7 нче класс кызлары үзләренең классташ егетләрен һәм Илнар абыйларын бәйрәм белән котладылар һәм истәлек бүләкләре тапшырдылар.

Һәр милләт, һәр халык өчен бәйрәм көн (21 нче февраль) - Халыкара туган тел көне. Һәркем өчен дөньядагы барлык телләр арасында иң кадерлесе - тәүге кабат сөйләшә башлаган ана теле. Халыкара туган тел көнендә барлык телләр дә тигез дип таныла, чөнки аларның һәркайсы кеше язмышы өчен җавап бирә, һәркайсы табигый мирас булып тора һәм без аны, һичшиксез, сакларга тиешбез. Мәктәптә 20, 22 февраль көннәрендә үткәрелгән чаралар туган телебез - татар теленә багышланган иде.

Ил барда – егет хур булмас, диләр, илебез сагында торучы кыю, курку белмәс егетләребез барында илебез халкы тыныч йоклар, күгебез гел аяз булыр. Әтиләре, абыйлары үрнәгендә патриотик рухта тәрбияләнгән яшь егетләребезгә хәрби хезмәтләрен үтәгәндә, туган якта калган якыннарының тынычлыгын саклап, үзләрен яхшы яктан гына күрсәтерләр дигән ышаныч белдерәбез.

Хөрмәтле ир-егетләребез! Сезне чын күңелебездән Ватанны саклаучылар көне белән котлыйбыз. Сезгә һәм гаиләләрегезгә тыныч күк йөзе, ныклы сәламәтлек, бәхет, муллык, һәр эшегездә уңышлар теләп калабыз. 

3нче сыйныф  укучылары  Муса Җәлилнең тууына 110 ел тулу  уңаеннан әдәби кичә уздырдылар. Кичәдә Муса Җәлилнең шигырьләрен, җырларын, хикәяләрен укыдылар, тыңладылар. Муса Җәлилнең биографиясе һәм фронттагы батырлыклары турында әңгәмә алып бардылар.

18 нче февраль көнне мәктәбебез базасында район күләмендә 7-8 класс укучылары арасында физикадан мәсьәләләр чишү конкурсы – “Физик огонек” булып узды. Анда барлыгы 25 мәктәптән 75 укучы көч сынашты. Безнең мәктәпнең командасы (Гилмуллин Рушан, Фатихова Ләйлә һәм Собханова Таңсылу) III урынны алды. Котлыйбыз аларны!

Мәктәбебездән Мифтахов Адель һәм Фатихов Айназ “Зимние забавы” дип исемләнгән   II бөтенроссия иҗади рәсем конкурсында катнашып 2 нче урынга лаек булдылар диплом һәм истәлекле бүләкләр белән бүләкләнделәр. Аларга киләчәктә дә зур уңышлар теләп калабыз.

7 нче класс укучылары белән класс сәгатьләре даими рәвештә үткәрелеп барыла.  17 нче февраль  көнне “ Ватанны саклаучылар” көненә багышланган класс сәгате үткәрелде. Класс җитәкчесе Илнар Шәйхенурович бу бәйрәмнең тарихы, хәзерге вакыттагы Россия кораллы көчләренең составы һәм бу бәйрәмнең әһәмияте турында аңлатты.

15 нче февраль- «Афганчылар көне” буларак билгеләп үтелә. 1989 нчы елның 15 нче февралендә соңгы совет сугышчысы Афганистан җирен калдырып чыга. Укучыларда патриотизм, Ватанга карата хөрмәт хисе тәрбияләү өчен, 11 нче февраль көнне,7 класс укучыларына “ Афганистан-йөрәк ярасы”- дип аталган класс сәгате үткәрелде. Балаларга Афганистан сугышы, анда катнашкан авылдашларыбыз турында сөйләнелде, патриотик видеоролик күрсәтелде.

9 нчы февраль көнне мәктәбебездә “Йолдызлык-2016” бәйгесенең беренче этабы узды. Укучылар мәртәбәле жюрига узләренең чыгышларын тәкъдим иттеләр. Иң яхшы дип табылган концерт номерлары район сайлап алу турына үттеләр. Анда катнашкан барлык укучыларга да уңышлар теләп калабыз.

 8 февраля   было  собрание родителей 11 класса .  Учителя Марданова Ч.Р. и Гильмуллина Ч.З. сделали подробный анализ диагностических  работ по русскому языку и математике, отметили положительные и отрицательные стороны в работе каждого выпускника, рассказали  родителям о реальном уровне каждого ученика на текущий момент, дали рекомендации родителям и обучающимся по подготовке к экзамену.