Бүген мәктәптә һәр класста әхлак дәресләре уздырылды. Ул түбәндәге темаларга үтте: "Тәртип бусагадан башлана"(1-3 класс), "Яхшы сүз җан азыгы"(2-4 класс), "Кеше холкын күзәт, үзеңнекен төзәт"(5 класс), "Намусыңны яшьтән сакла"(6 класс), "Нәрсә ул бәхет?" (7 класс), "Сабыр төбе-сары алтын"(8класс), "Кешене туйдыручы һөнәр"(9 класс).

Мәктәптә "Йолдызлык - 2016" бәйгесенә әзерлек бара. Укучылар класс җитәкчеләре белән берлектә конкурсның мәктәп турына әзерләнәләр. Иң уңышлы  номерлар 9 февральдә булачак  икенче турга сайлап алыначак. Укучыларыбызга иҗади уңышлар телибез!

14-17 нче январь көннәрендә  Казан шәһәрендә укучыларның 'экология фәненнән Бөтенроссия фән олимпиадаларының  региональ этабы  үткәрелә. Анда безнең мәктәпнең 9 нче класс укучысы Гарипова Гөлнара да катнаша. Аңа уңышлар теләп калабыз!

  15 январь көнне мәктәбебезнең укучы малайлары һәм егетләре турниктан күтәрелү буенча ГТО нормалары тапшырдылар. Укучыларның нәтиҗәләре алдагы нәтиҗәләргә караганда яхшырак.

Президент подписал Указ «О проведении в Российской Федерации Года российского кино».

Су объектларын саклау һәм торгызу, биологик су ресурсларының, хайваннар һәм үсемлекләр дөньясының яшәү тирәлеген саклау, халыкка уңайлы шартлар тудыру мәсьәләләренә җәмгыятьнең игътибарын җәлеп итү максатыннан ТР Президенты Р.Н.Миңнеханов указы нигезендә 2016 ел Су саклау зоналары елы дип игълан ителде.

14 январь көнне 9 класста мәктәп һәм район күләмендә үткәрелгән ОГЭ нәтиҗәләре буенча директор яны киңәшмәсе үткәрелде. Киңәшмәдә математика , рус теле фәннәре буенча укучыларның эше анализланып, һәр укучы белән индивидуаль эш алып барырга кирәклегенә басым ясалды.

7 январь көнне районда узган Хакимият чыршы бәйрәмендә  безнең мәктәптән  9 класс укучылары   Гарипова Гөлнара, Шамсиев Айдар  катнашты.  Алдынгы укучыларыбызга Рәхмәт хаты һәм бүләкләр тапшырылды.