Уку елы азагында укучылар өчен Сабантуй бәйрәме оештырылды. Милли йолаларны, традицияләрне, гореф-гадәтләрне искә алуны, шул ук вакытта сәламәт яшәү рәвешен пропагандалауны да максат итеп куйган әлеге чара укучыларның күңеленә хуш килде. Көн дәвамында кыр кухнясы эшләде, уен-көлке, җыр авазларыннан мәйдан яңгырап торды. Һәр укучы уеннарда катнашып, үзен сынап, кызыклы бүләкләргә лаек булды.

Завершается приём работ на конкурс «Пишем о театре». Всероссийские детские конкурсы рисунков и театральных рецензий «Пишем о театре!» проходят в России в рамках масштабного культурного проекта «Театр-дети», приуроченного к Году театра. Конкурсы проходят в два этапа – на региональном и федеральном уровнях. Региональный этап проводится в каждом субъекте России, где жюри принимает и оценивает работы. Получивший наибольшее количество баллов признается победителем регионального этапа и становится участником федерального конкурса.
 

Мәктәбебез теплицасында төрле үсентеләр үстерелә. Алар арасында кәбестә, помидор, петуния, кыяр, укроп һәм башкалар бар. Үсентеләрне тәрбияләүдә укучылар белән берлектә биология укытучысы Фидус Нәрфис улы Гыйльфанов зур өлеш кертәләр.

Биология укытучысы Ф.Н.Гыйльфановның “Мәгариф” журналында “Кыяклылар семьялыгы” дигән мәкаләсе басылып чыкты. Аның бу дәрес эшкәртмәсе яңа федераль белем бирү стандартлары нигезендә эшләнгән. КФУ доценты, педагогика фәннәре кандидаты Фидалия Халикова бу дәрес эшкәртмәсенең ФДББС таләпләренә җавап бирүе турында уңай фикер әйткән. Киләчәктә дә Ф.Н.Гыйльфановка иҗат уңышлары телибез.

27 май көнне мәктәп укучылары арасында ГТО нормаларын тапшыру буенча Җәйге фестивальнең район этабы узды. Районда иң көчле дип табылган егет-кызлар республика этабында катнашачак. 11-12, 13-15 яшьлек укучылар ГТО нормативларының 3, 4 баскычларын үтү өчен алты спорт төре (йөзү, турникта тартылу, гәүдәнең сыгылмалылыгы, пневматик винтовкадан ату, 150 граммлы тупны ераклыкка ату, 60, 1500, 2000 метрга йөгерү) буенча үз сәләтләрен күрсәттеләр. Безнең мәктәп укучылары да әлеге ярыш төрләрендә үзләрен сынап карадылар.

Бүген без, башлангыч сыйныф укучылары, язгы табигатькә экскурсиягә чыктык. Алан сап-сары тузганактан гына тора иде. Укытучы апалар безгә тузганакның нинди файдалы дару үләне икәнен аңлаттылар. Ә тирә якка күз салсаң, бөтен үләннәрдә дару үләне икән... Әнә үги ана яфрагы, бака үләне, яшел кычыткан. Без аларны, май аеның шифалы дару үләннәрен җыеп алып кайтырга булдык.

25 май көнне мәктәбебезнең чыгарылыш сыйныф укучылары өчен соңгы тапкыр мәктәп кыңгыравы чыңлады. Иңнәрендә очар канат тойган укучылар мәктәп, иптәшләре, укытучылар коллективы белән хушлашты. Бәйрәм тантанасында районның ЗАГС бүлеге җитәкчесе Гөлфинә Баян кызы Мөхәмәдиева, ҖЧҖ "Башак" җитәкчесе Хәлил Мансур улы Хуҗин, Яңа Әлем авыл җирлеге башлыгы Дилбәр Миркасыйм кызы Анварова да катнашты. Укучыларны мәктәп директоры, килгән кунаклар, беренче мөгаллимнәре һәм әти-әниләре тәбрикләде. Чыгыш ясаган һәркем уку елы тәмамлану уңаеннан иң ихлас котлау сүзләрен җиткерде.

Кадерле балалар! Хөрмәтле укытучылар һәм ата-аналар! Сезне Соңгы кыңгырау бәйрәме белән тәбриклим! Чираттагы уку елы тарих битләренә күчә. Бу көнне без барыбыз да – өлкәннәр дә, балалар да аеруча дулкынланабыз. Кемдер өчен соңгы кыңгырау – мәшәкатьсез җәйге каникулларның башы булса, чыгарылыш сыйныф укучылары өчен исә ул яңа, олы тормышка аяк басу көне. Тугыз ел эчендә сез күп нәрсәгә өйрәндегез: фән нигезләрен үзләштердегез, иҗтимагый тормышта яшәү асылына төшендегез, ачышлар шатлыгын тойдыгыз, мәктәп сезгә олы тормышка юнәлеш бирде.

Укучыларның һәм яшүсмерләрнең Гамил Афзал исемендәге иҗат фестивалендә мәктәбебезнең 4 нче сыйныф укучысы Муллахметов Әмир Алмаз улы 1 нче урынны алды, диплом һәм истәлекле бүләк белән бүләкләнде. Җитәкчесе - башлангыч сыйныфлар укытучысы Зарипова Фәйрүзә Нәкый кызы. Аларны җиңүләре белән котлыйбыз, киләчәктә дә уңышлар теләп калабыз!

Актанышта мөселман ярминкәсе, Китап бәйрәме һәм Гамил Авзалның туган көне билгеләп үтелде. Әлеге күңелле чаралар район мәдәният йорты каршындагы ял итү паркында башланып китте. Биредә безнең мәктәп укучылары курчак театры белән килгән кунакларның кәефләрен күтәреп тордылар.