Чәршәмбе көнне, Богады һәм Яңа Әлем төп гомуми белем бирү мәктәпләре арасында хоккей ярышы буенча дусларча очрашу булып узды. Хоккей мәйданчыгында шорт-трек, мәктәпнең спорт залында волейбол ярышлары үткәрелде.

Иске Айман төп гомуми белем бирү мәктәбендә “Мәгълүмати белем тирәлеген формалаштыруда мәктәп китапханәсенең роле” дигән темага мәктәп китапханәчеләренең район киңәшмәсе булып узды.  Киңәшмәдә Яңа Әлем төп гомуми белем бирү мәктәбенең китапханәчесе Нәсимә Фатыйх кызы катнашты.

13 март көнне Богады төп гомуми белем бирү мәктәбендә башлангыч класс укытучыларының “ФДББ стандартларын тормышка ашыру шартларында кече яшьтәге мәктәп балаларында уку компетентлыгын формалаштыру” темасына төбәкара семинар үткәрелде. Семинарда Яңа Әлем төп гомуми белем бирү мәктәбенең башлангыч класс укытучылары Илина Илфар кызы, Регина Лимар кызы катнаштылар.

5 март көнне 4 класста "Бәйрәм белән, әниләребез!" бәйрәм кичәсе оештырылды. Сыйныф җитәкчесе Сәрвәрова Фирая Мөбәрәк кызы укучылар белән концерт номерлары әзерләп, әниләрне сөендерделәр.

Театр коллективлары арасында үткәрелгән "Иделкәем" смотр-конкурсында мәктәпнең "Серле дөнья" курчак театры уңышлы чыгыш ясап, финал турына чакыру алды. Мәдәният Министрлыгының Дипломы белән бүләкләнделәр. Җитәкчеләре - Фәтхиева Н.Ф., Хәмидуллина Г.Р. Зур җиңүләре белән котлыйбыз, киләчәктә иҗади уңышлар телибез!

28 февраль көнне Яңа Әлем төп гомуми белем бирү мәктәбендә гомуми ата-аналар җыелышы үткәрелде. Көн тәртибендә мәктәпнең яртыеллык эшчәнлек нәтиҗәләре яктыртылды.  "Мобиль кушымтада  укучының электрон көндәлегеннән файдалану" темасына Исламова Д.З. кызының чыгышы тыңланды.

В Поисевский средней общеобразовательной  школе проходил районный конкурс решения задачи по физике "Физический огонек" в 7-8 классах. В конкурсе принимали  участие команды из 3-х учащихся 7-8 классов от каждой средней и основной школы.

26 февраль көнне мәктәптә "Ягез әле, әтиләр" тәрбияви чарасы оештырылды. Әтиләрне бәйрәм белән котлап, укучылар концерт номерлары тәкъдим иттеләр. Чараның икенче өлешендә ярыш-бәйге үткәрелде.

24 февраль көнне мәктәп күләмендә Укучылар спартакиадасы үткәрелде. 2-9 класс укучылары чаңгы шуу, шорт-трек, канат тарту һ.б. ярышларда көч сынаштылар. Җиңүче балалар Грамота белән бүләкләнделәр. 

Мәктәпнең 1 кв. категорияле биология укытучысы Гыйльфанов Фидус Нәрфис улының "Биологиядән дидактик материаллар" дип исемләнгән мәкаләсе "Мәгариф. РФ" электрон журналында дөнья күрде.