Бүген, ягъни 19 август көнне, Актаныш районы башкарма комитеты җитәкчесе Энгель Фаттахов, аның социаль мәсьәләләр буенча урынбасары Ләйсән Нурлыева, мәгариф идарәсе җитәкчесенең укыту буенча урынбасары Роза Имамова, мәктәп директорлары белән берлектә районның белем йортларында булдылар. Максатлары мәгариф учреждениеләренең яңа уку елына әзерлеген тикшерү иде.

Ел саен мәктәбебез бакчасында төрледән-төрле яшелчәләр, җиләк-җимешләр үстерәбез. Бакчада ел дәвамында укучылар һәм укытучылар бердәм көч куялар. Җәйге каникул чорында һәрбер укучы мәктәп бакчасында бик теләп эшли. Яңа 2018-2019 уку елына әзерлек максатыннан, бакчабыздан җыеп алган яшелчә, җиләк-җимешләрне сатып, шулай ук "Үз мәктәбеңә булыш" республикакүләм акциядә иганәчеләрдән һәм мәктәбебезне электән тәмамлаган укучыларның матди ярдәме белән рус теле кабинетына ремонт ясалды һәм өр-яңа парта-урындыклар белән тәэмин ителде.

18 нче август көнне Яңа Әлем мәктәбендә, мәктәпне 2004 нче елда тәмамлаган укучылар һәм аларны укыткан укытучылар очрашуга җыйналды. Башлангыч сыйныфта укыткан укытучылары Фәйрүзә Нәкый кызы, югарый сыйныфта укыткан Гөлназ Мөбәрәк кызы, классска җыелышкач та бик күп хатирәләрне искә төшерде. Килгән кунаклар мәктәп музеенда да булдылар, авылыбыз шәҗәрәсеннән карап, үзләренең нәсел җепләрен барладылар. Югары сыйныфта үзләре укыган татар теле кабинетына, "Үз мәктәбеңә булыш" республикакүләм акциядә катнашып, класс тактасы бүләк иттеләр. Аларның сыйныфташы, мәктәп директоры Илназ Илшат улы һәм мәктәп коллективы исеменнән 2004 нче елгы чыгарылыш укучыларына зур рәхмәт! Киләчәктә дә сафлары кимемичә, саулык-сәламәтлектә, тагын да артыбрак очрашырга язсын дигән теләк белән таралыштылар.

Актанышта техник иҗатны үз итүчеләр Авиашоуга бик зур дулкынлану белән әзерләнделәр. Техник модельләштерү белән максатчан шөгыльләнүче остазлар да, укучылар да үзләре ясаган модельләрне кат-кат күздән кичерде, яңартты, яңа детальләр өстәде – камилләштерде. Авиашоу кысаларында алар үз күргәзмәлекләрен тәкъдим иттеләр. Яңа Әлем мәктәбе укучылары да, Актанышта беренче тапкыр уздырылган Авиашоу кысаларында, авиамодельләштерү бәйгесендә, үзләре ясаган ракета белән катнаштылар. Җитәкчеләре хезмәт укытучысы - Сахипов Илшат Мансур улы.

Җәйге каникулның соңгы ае бара. Яңа уку елы башланырга да күп калмый. Димәк, балалар бакчалары, мәктәпләр, өстәмә белем бирү учреждениеләрендә эш башларга, барысы да әзерме-юкмы икәнлекне тикшерергә вакыт җитте. Һәм бу эш башланды инде. Бүген безнең мәктәптә мәгариф идарәсе, хөнәр берлеге, гадәттән тыш хәлләр белгечләреннән торган комиссия мәктәпнең яңа уку елына әзерлеген тикшерде. Әлбәттә, беренче чиратта объектларның сакланышын тәэмин итү, янгын куркынычсызлыгы кебек мәсьәләләргә басым ясалады.

1-5 август көннәрендә Казан шәһәрендә VIII Бөтендөнья татар яшьләре форумы булып узды. Форумда халкыбызның телен, мәдәниятен саклау һәм үстерү, яшь буынның милләтебезнең үзенчәлеген саклауда тоткан роле каралды. Әлеге чарада 30 чит илдән, 60 Россия төбәгеннән һәм Татарстан районнарыннан барлыгы 1000нән артык делегат катнашты. Форум кысаларында эшлекле очрашулар (пленар утырыш, дискуссион мәйданчыклар, проект сессияләрен уздыру), төрледән-төрле мәдәни-мәгълүмати һәм өйрәнү сәяхәтләре, шулай ук Казанның татар тарихы белән бәйле урыннарына бару, Арчада шәһәр көнендә һәм “Печән базары” фестивалендә катнашу оештырылды. Форумда Яңа Әлем мәктәбе директоры Илназ Илшат улы милләттәшләрне үзе җитәкләгән интернет-проектлар белән таныштырды.

Җәй аеның бер көнендә мәктәп бакчасы хезмәт гөрелтесенә күмелде. Бу көнне укытучылар һәм техник хезмәткәрләр ярдәме белән җәйге өмә оештырылды. Алар ярдәме белән бакчадагы чүп үләннәре, зур агачлардан коелган агач ботаклары чистартылды. Өмәдә катнашкан хезмәткәрләргә олуг рәхмәтләребезне җиткерәбез. Чүп-чарны ташу өчен транспорт белән тәэмин иткән "Башак" ҖЧҖ җитәкчелегенә дә зур рәхмәт.

Актаныш районының берничә мәктәбе яңа уку елын яңа җитәкчелек кул астында башлаячак. Яңа Әлем мәктәбендә шактый еллар дәвамында директор булып эшләгән Гарипов Даниал Дәниф улы Киров урта мәктәбе директоры итеп билгеләнде. Ә Яңа Әлем мәктәбе директоры вазыйфалары исә Илназ Илшат улы Шәриповка йөкләтелде. Моңа кадәр Илназ Илшат улы Актаныш районы мәгариф идарәсе методисты булып эшләде. Әлеге вазыйфаларга билгеләнгән җитәкчеләргә эшләрендә уңышлар телибез!

В рамках информационно-профилактической работы 30 мая в МБОУ «Новоалимовская  ООШ» состоялись уроки безопасности. Классные руководители рассказали ученикам о соблюдении требований пожарной безопасности дома и в общественных местах, напомнили правила эвакуации в случае возникновения пожара и других чрезвычайных ситуаций, а также поведали о правилах использования первичных средств пожаротушения.  

Агачларның кәүсәсен һәм ботакларын агарту эшләрен апрель-май айларында, җир җылынганчы, зарарлы бөҗәкләр уянганчы башкарырга кирәк. Эремә сыйфатлы булса, агачларны бер тапкыр агартып чыгу да җитә.