19 февраль көнне башлангыч класс укучылары арасында туган тел көненә багышланган "Туган телем бер генә" квн ярышы уздырылды.

Бүген 9 класс укучылары сынап карау шартыннан рус теленнән Бердәм Дәүләт имтиханы эше үтәделәр.

16 февральдә 4 класс укучысы Хамзина Наилә (Укытучысы Басыйрова Ф.Ә.) башлангыч класс укучылары арасында уздырылган тикшеренү - проект эшчәнлеге конкурсының район турында уңышлы чыгыш ясап кайтты.

Бүген мәктәбебездә герой - шагыйрь Муса Җәлилнең тормыш һәм иҗат юлына багышланган "Үлемсез шагыйрь" дип аталган кичә оештырылды. (Укытучылары Р.Р.Фаррахова, И.Х.Тутаева)

13 февраль көнне Әфганчыларны искә алу хөрмәтеннән балалар оешмасының тантаналы сборы уздырылды. Бу җыен әфганчы якташыбыз Мөдәрис Мирсәетов һәм әфган яраларыннан вафат булган Мирһаҗиян Гайнановның якты истәлегенә багышланды.

Әфганчылар көне уңаеннан мәктәбебезнең укучылар һәм укытучылар коллективы Әфганчы якташларыбыз Мирсәетов Мөдәрис һәм Гайнанов Мирһаҗиян каберләренә венок салдылар. Аларны бер минут тынлык белән искә алдылар.

Бөек Җиңүнең 70 еллыгына багышланган "Җиңүнең таныш йөзләре" республикакүләм тарихи-патротик акциянең икенче өлеше буенча 9 класс укучысы Ибраһимова Айгөл Актанышның 2 нче урта мәктәбендә баннерларны яклау чарасында уңышлы чыгыш ясап кайтты. (Җитәкчесе Р.Р.Фаррахова)

11,12 февраль көннәрендә мәктәбебез укучылары район кышкы спартакиадасы ярышларында катнаштылар.

Бүген 8 класс укучылары Гыйлмуллина Гөлия белән Ахняпов Рәмис Бөек Җиңүнең 70 еллыгына багышланган район "Төз атучы"  ярышында катнаштылар. (Укытучысы Вагизов Н.Т.)

Тәҗрибә уртаклашу максатыннан мәктәпнең биология укытучысы Л.Р.Кашапова 5 класста табигать белеменнән ачык дәрес күрсәтте.