20 апрель көне “Язгы игелек атнасы” акцияләре кысаларында мәктәптә “Каләмне корал итеп...” темасына әдәби кичә үткәрелде. 

Бүген мәктәптә гуманитар фәннәр атналыгы башланды. Атналык кысаларында 5-9 класс укучылары катнашында  рус телендә "Сугыш һәм балалар" кичәсе уздырылды.

17 апрель көнне 4 класс укучыларының метапредмет күнекмәләрен тикшерү оештырылды: укучылар комиссия каршында проект эшчәнлеге башкардылар.

Бүген мәктәп күләмендә тирә-юньне җыештыру өмәсе уздырылды.

Укучылар каен һәм нарат бөреләре җыюда актив катнаштылар.

13 апрель көнне 4 класс укучылары шәхси үзенчәлекләргә мониторингта катнаштылар.

Бөек Җиңүнең 70 еллыгына багышланган  мәктәп командалары арасындагы район шахмат ярышында мәктәбебез командасы мактаулы 2 урынга лаек булды. Команда составында ярышучы Салиянова Филиза ( 6 кл ), Фаррахов Ранис  һәм Ахняпов Рәмисне ( 8 кл ), җитәкче укытучылары Вагизов Нияз Тазимухамат улын уңышлары блән котлыйбыз. Афәрин!

17 апрель көнне мәктәптә "Дин тарихы һәм этика нигезләре" (ОРКСЭ) укыту буенча 3 класс укучыларының ата аналар җыелышы булачак. Хөрмәтле ата - аналар! Сездән, бу фәнне укыту максатлары һәм бурычлары белән танышып, аның эчтәлеген (модулен) билгеләүдә үз фикерләрегезне җиткерүегез соралачак.

10 апрель көнне Иске Кормаш мәктәбе базасында татар теле һәм әдәбияты укытучыларының "Бердәм республика тестына әзерлек. Укучылар белән индивидуаль эшне системалаштыру" темасына район семинары уздырылды. Бу семинарда татар теле укытучысы Фаррахова Рузилә Рәсим кызы катнашты.

Бүген Актаныш технология техникумы укытучылары мәктәбебезнең чыгарылыш 9 класс укучылары белән очрашуга килделәр.