Мәктәптә дирекция тарафыннан дәресләрдә Сингапурча укыту алымнарын куллануны тикшерү бара.

Бүген соңгы 4 нче чирек укуларын башлап җибәрдек.

18 марттан Республикакүләм  IT-Чемпион конкурсының тагын бер этабы башланып китте.

"Йолдызлык - 2015" конкурсының район этабында катнашучы "Әнисә" бию коллективы, ялгыз җыр башкаручы Локманова Камилә һәм "Чабата" шаян биюе башкаручысы Хамзина Наилә дипломнарга лаек булдылар. Афәрин!

23, 24 март көннәрендә 9 класс укучылары районда математика һәм рус теленнән уздырылган сынап карау имтиханнарында катнаштылар.

Бүген 3 чирекнең соңгы көне мәктәп күләмендә бик күңелле узды:  һәр елгы традицияне саклап, укучылар өчен Нәүрүз бәйрәме оештырылды.

20 мартта Татарстан Республикасы Мәгариф һәм фән министрлыгы РЦМКО белән берлектә 9 класс укучыларыннан профессиональ юнәлеш буенча тест уздырды. Мәктәбебезнең чыгарылыш сыйныфы укучылары  бу тестта катнаштылар. 

2015 ел -Татарстан Республикасында парклар һәм скверлар елы дип игълан ителде. Шул уңайдан 12 март көнне Балалар иҗат үзәге базасында район күләмендә мәктәп укучылары арасында иң яхшы парк яки сквер проектлары һәм макетларына бәйге уздырылды.  Меңнәр мәктәбе коллективы эше «Туган авылдагы парк яки сквер макеты» номинациясендә 1 урынга лаек булды.

Уку елының иң озын чиреге дә ахырына якынлашып килә. Бүгеннән башлап 2-9 класс укучылары чиреклек язма эшләр үтиләр.

7 март көнне укучылар, балалар бакчасында тәрбияләнүчеләр авыл халкын үзләренең чыгышлары белән сөендерделәр. Бу көнне мәктәп коллективы авыл халкының өлкән буыннарын, әниләрне, апаларны бәйрәм белән котлады. Бәйрәмдә район башкарма комитет җитәкчесе И.Э.Фаттахов та катнашты. Ул якынлашып килүче Җиңү бәйрәме уңаеннан тыл ветераннарына медальләр тапшырды, аларга үзенең, хәзерге буын кешеләренең чиксез рәхмәтен җиткезде.