I кечкенәләр Б төркеме балалары " Лего» белән уеннарны бик яратып, кызыксынып уйныйлар. Кече төркемдә алып баручының ролен һәрвакыт тәрбиче үз өстенә ала, чөнки балалар уенда үз рольләрен билгели алмый әле. Кече төркем балалары өчен  иң гади уеннар сайлана, аның максаты – төсне (зәңгәр, кызыл, сары, яшел) ныгыту, LEGO-конструктор детальләренең исемнәрен, формасын (квадрат, турыпочмак) ныгыту.

“Әйдәгез танышыйк” уенында максат: балалар белән танышу. Тәрбиче балаларга чиратлап кирпеч бирә һәм: «исемең ничек?" дип сорый. Бала кирпечне кире бирә һәм җавап бирә.

Бүген без бу матур иртәдә Өлкәннәр көнен билгеләп үттек. Бүгенге бәйрәмебезнең төп кунаклары – хәзерге вакытта лаеклы ялда булган тәрбиячеләребез,бакчабыз хезмәткәрләре! Аларны әлеге бәйрәм белән чын күңелдән котлап мәктәпкә әзерлек төркеме балалары үзләренең чыгышлары белән сөендерделәр. Өлкәннәребез дә безгә матур теләкләр юлладылар.

24 сентябрьдан 28 нче сентябрьга кадәр Республикабыз Татарстанда Куркынычсызлык атналыгы үткәрелә. Җәяүлеләр аркасында чыккан юлдагы ДТП лар булмасын өчен   бакчабызның зурлар һәм 1 нче кечкенәләр төркеме  балалары белән куркынычсызлыкка багышланган чара үткәрелде,балаларга юл йөрү кагыйдәләре аңлатылды.

Менә без көзге урманда. Матур да соң көзге табигать! Агачлар инде көз төсләре алганнар. 

Без кечкенә булсак та, балык тоту серләренә безне өйдә әтиләребез, бабайларыбыз, дәү әтиләребез өйрәтә. Ә менә бакчада без аларны күпләп тотарга ярамаганлыгын да белдек. Бүген “Балыкчы” кибетенә  сәяхәт итек.  Балыкны күпләп тоту табигатькә зыян китерә икән. Кечкенә балыкларны да суга  җибәрсәң  алар тагыда күбәяләр. Табигатне сакларга кирәк!!

Бакчбызның тәҗрибә мәйдәнчыгында үскән уңышны җыйдык. Хезмәт барышында витаминнар сәламәтлек өчен бик мөһим булуын ачыкладык. Күзләр яхшы курсен өчен кишер кирәк! Таза, көчле булыр өчен бәрәңге кирәк! Йөзләребез алсу булсын өчен чөгендер кирәк! Салкын тиюдән саклану өчен сарымсак, суган кирәк! Температура, тамак авыртуы бетсен өчен кыяр суы, шалкан кирәк! Көч, куәт булсын өчен кәбестә кирәк! Сау-сәламәт булу өчен витминнарга бай булган яшелчәләр, җиләк-җимешләр ашагыз!!

− Прививка ясату кирәк, шул чагында без үзебезне генә түгел, тирә-юньдәгеләрне дә саклап калабыз. Кызганыч, бездә прививкаларга актив каршылык күрсәтелә. Һәркем үзе сайларга тиеш. Әгәр дә прививка ясатырга ниятләгәнсез икән, уңай кичерешләр белән барыгыз, бу да мөһим роль уйный, организмның прививканы ничек кабул итүенә тәэсир ясый, − дип киңәш итә доктор.

Бүген балалар бакчасында җәйне озаттык. Бәйрәмдә җәй белән көз көч сынашты, көз җиңде, җәй икенче елга киләм дип китеп барды. Җәй киткәнгә бик моңсу булса да, көзнең дә үз гүзәллеге бар, хәр ел фасылы белән сокланып яшик!

Мәктәпкә әзерлек төркеме бүген “балалар сәнгать мәктәбенә” юл тоттылар. Анда төрле түгәрәкләр оештырылуы: бию,  рәсем, төрле уен кораллары түгәрәкләре белән якыннанрак таныштылар.  Күбесе инде шушы мәктәпкә түгәрәккә дә йөриләр.  

 Рәсем ясау процессы үзе күпкә кызыклырак та мавыктыргычрак та. Бар бала да рәсем ясарга ярата. Чөнки бала өчен рәсем ясау шатлыклы һәм илһам китерә торган эш. Бүген балалар участокта гадәти булмаган алымнар кулланып комда таякчыклар, нарат күркәсе, ташлар, яфраклар белән бик матур рәсемнәр ясадылар.