Бүген,  үзебезнең балалар бакчасы кысаларында,  ел саен дулкынланып көтеп алынучы “Йолдызлык” бәйгесенең 1 нче туры узды. Балаларның бик матур чыгышларыннан күренгәнчә һәр төркем тәрбиячеләре балаларны бәйгегә әзерләү өчен күп көч куйганнар. Һәр бала үзе бер якты йолдызчык булып балкыды бүген, ә жюри тарафыннан иң “якты”лары дип танылганнары  бәйгенең 2 нче турында чыгыш ясаячаклар! Аларга зур уңышлар телибез!

 26 нчы январь көнне II Республика күләм Эльвира Ибрагимованың шигырь фестивале "Моң кайтавазы" булып узды. Безнең балалар бакчасы да бик актив катнашты, һәм нәтижәле чыгыш ясадылар. 1 нче кечкенәләр төркеме балалары үзләренең уңган-булганлыкларын күрсәттеләр.

Район күләмендә "Ел тәрбиячесе -2019" бәйгесе узды.Безнең бакчадан педагог-психолог Ибрагимова Альбина Рашитовна катнашты һәм уңышлы чыгыш ясап, 3 урынга лаек булды.Афәрин, Альбина Рашитовна!!!

Тәрбияче булу әлеге һөнәр иясеннән иҗади сәләт тә, көндәлек җаваплылык та, кечкенә генә уңышны зур итеп кабул итә белүне дә таләп итә. 21 январь көнне «Умырзая» балалар бакчасында үткән «Ел тәрбиячесе – 2019» бәйгесенең йомгаклау турында нәкъ менә шушы сыйфатларга ия педагоглар катнашты.  Жюри әгъзаләренә бәйгегә йомгак ясау җиңел булмады. Чөнки бу конкурс һәр тәрбияченең үз хезмәтенең остасы булуын, педагогика дигән диңгездә үз маягы барлыгын ачык күрсәтте.

    Конкурста катнашкан педагог-психолог Ибрагимова Альбина Рәшит кызының чыгышы жюри тарафыннан югары бәяләнде һәм ул III урынга лаек булды. Уч кадәрле йөрәген сабыйларга бирергә әзер бу тәрбияче нәниләр күңеленә, һичшикшез, матур шытымнар бирердәй орлыклар салыр.... Аңа  киләчәктә иҗади уңышлар гына теләп каласы килә.

Беренче кечкенәләр А төркемендә әти-әниләргә "Ачык ишекләр" көне үткәрелде. Балалар белән "Әкиятләр иленә сәяхәт" дип исемләнгән сөйләм үстерү буенча белем эшчәнлеге күрсәтелде. 

12 декабрь бакчабызны гөрләтеп "Ел тәрбиячесе- 2019" бәйгесе узды. Үзебезнең бакчада эшләүче 11 тәрбячедән тыш, безнең бакчага караган авыл балалар бакчалары (Уразай, Кәзкәй,Әжәкүл,Куян,Тыннамас) тәрбиячеләре катнашты. Жюри составында Хисмәтуллина Л.Ф., МингазоваГ.А., Зайнуллина М.Т. тарафларыннан катнашкан барлык тәрбиячеләргә рәхмәтләрен житкереп, эшләрендә уңышлар теләделәр.

Менә кышка да аяк бастык. Кошларга азык табуы авыр икәнен без инде беләбез. Әтиләр белән бергәләп ясаган җимлекләрне без инде чыгарып элдек. Аларны хәзер көн дә карап, чистартып, җимнәрнең яңаларын салып торырга кирәк. Беренче кунакларыбызны да күрдек алар -  чыпчыклар иделәр. 

Әннә, Әни, Әнием. Өч хәрефтән генә торган бу сүзнең эчтәлеге, мәгънәсе нинди зур!

Дөньяга килүебез белән, әни карашы, шатлыклы, бәхетле елмаюы безне каршы ала. "Мамина улыбка" дип аталган бәйгегә дә без әниләрнең елмаюларыннан стенд ясадык. 

Ноябрьнең соңгы атнасы, якшәмбе әниләр бәйрәме! Без дә бакчабызда 23 нче ноябрь коне әниләребезгә бәйрәм күрсәттек, ял иттердек! Әниләребез балаларының чыгышларына сөенеп, ял итеп, рәхмәт әйтеп кайтып киттеләр.

Иң-иң сабыр, иң-иң тыйнак

Иң ягымлы кешеләр.

Иң сөйкемле, мәрхәмәтле

Алар безнең әниләр!

Октябрь азагында кыргый җәнлекләрне, ноябрь азагында йорт җәнлекләрен саклау буенча көннәр билгеләнгән. Балаларны  җәнлекләрнең кышкы тормышлары турында мәгълумат бирү, җәнлекләр белән була торган кызыклы вакыйгаларны күрсәтү, куркыныч вакыйгаларга очрагач җәнлекләргә ничек авыр булуы турында сөйләп, күрсәтеп кичә уздырдык. Куяннар өйсез калган, начар малайлар колакларын борганнар, аюны йокысыннан уятканнар, төлке дә нинди хәйләкәр булуына да карамастан бездән курыккан, керпене туп урыннына йөрткәннәр- азык әзерли алмаган .....һ.б.. Без андый балалар түгел, без сезне кыерсытмыйбыз дип аларга сүз бирдек.