Безнең " Ромашка " балалар бакчасында " Кыш көне кошларны ашатыйк " акциясе узды.Әлеге зур эштә, өлкәннәрнең дә , нәниләрнең дә хезмәте керде. Уртанчылар төркеменә йөрүче балалар да, үзләренең әти-әниләре белән, җимлек ясауда актив катнаштылар. Балалар җимлекләргә җим салып, бакча территориясендәге агачларга үзләренең җимлекләрен элеп кудылар. Бу эш, балалар өчен, тагын бер кызыксындыру чарасы һәм кошларга карата сак караш тәрбияләү булып тора.Саф һавага чыккан саен, балалар кышлаучы кошларны күзәтәләр, аларга җим салалар.

Бүген, 9 февраль көнне, районыбызда организацияләр арасында "Лыжня России" чаңгы ярышы уздырылды. Без дэ бакчабыз белән актив катнаштык. Спорт - сәләмәт яшәү рәвеше!

Кар бөртеге бик аз очты,

Суздым ана җылы учны.

Без уртанчы төркем балалары белән саф һавада кар бөртекләрен күзәтергә бик яратабыз. Карның үзенчәлекләре турында сөйләшәбез ( ак,суык, йомшак, каты һ.б.) тәҗрибәләр үткәрәбез.

Бакчабызда "Йолдызлык-2019" елның II туры узды. Әлеге бәйгедә бакчакүләм ярышта җиңүче балалар чыгышы каралды. Балалар тарафыннан күрсәтелгән җырлар, биюләр, конферанс чыгышлары жюри тарафыннан югары бәяләнде. Алдагы турда катнашу өчен номерлар билгеләнде. Без аларга зур өметләр юллыйбыз.

Район күләмендә шагыйрә Лилия Гыйлемнең "Кояш нуры тамган шигырьләр" дип исемләнгән иҗат кичәсе уздырылды. Бу кичәдә безнең "Ромашка" балалар бакчасында тәрбияләнүче: икенче кечкенәләр, уртанчылар, зурлар, мәктәпкә әзерлек төркеменнән балалар катнашты. Алар якташыбыз Л.Гыйлемнең балалар өчен язылган шигырьләрен сәнгатьле итеп сөйләделәр. Шагыйрә нәниләрне үзенең бүләге-шигырьләр җыентыгы белән сөендерде. Кичәдән апалар да, балалар да рухи азык алдылар.

Бүген,  үзебезнең балалар бакчасы кысаларында,  ел саен дулкынланып көтеп алынучы “Йолдызлык” бәйгесенең 1 нче туры узды. Балаларның бик матур чыгышларыннан күренгәнчә һәр төркем тәрбиячеләре балаларны бәйгегә әзерләү өчен күп көч куйганнар. Һәр бала үзе бер якты йолдызчык булып балкыды бүген, ә жюри тарафыннан иң “якты”лары дип танылганнары  бәйгенең 2 нче турында чыгыш ясаячаклар! Аларга зур уңышлар телибез!

 26 нчы январь көнне II Республика күләм Эльвира Ибрагимованың шигырь фестивале "Моң кайтавазы" булып узды. Безнең балалар бакчасы да бик актив катнашты, һәм нәтижәле чыгыш ясадылар. 1 нче кечкенәләр төркеме балалары үзләренең уңган-булганлыкларын күрсәттеләр.

Район күләмендә "Ел тәрбиячесе -2019" бәйгесе узды.Безнең бакчадан педагог-психолог Ибрагимова Альбина Рашитовна катнашты һәм уңышлы чыгыш ясап, 3 урынга лаек булды.Афәрин, Альбина Рашитовна!!!

Тәрбияче булу әлеге һөнәр иясеннән иҗади сәләт тә, көндәлек җаваплылык та, кечкенә генә уңышны зур итеп кабул итә белүне дә таләп итә. 21 январь көнне «Умырзая» балалар бакчасында үткән «Ел тәрбиячесе – 2019» бәйгесенең йомгаклау турында нәкъ менә шушы сыйфатларга ия педагоглар катнашты.  Жюри әгъзаләренә бәйгегә йомгак ясау җиңел булмады. Чөнки бу конкурс һәр тәрбияченең үз хезмәтенең остасы булуын, педагогика дигән диңгездә үз маягы барлыгын ачык күрсәтте.

    Конкурста катнашкан педагог-психолог Ибрагимова Альбина Рәшит кызының чыгышы жюри тарафыннан югары бәяләнде һәм ул III урынга лаек булды. Уч кадәрле йөрәген сабыйларга бирергә әзер бу тәрбияче нәниләр күңеленә, һичшикшез, матур шытымнар бирердәй орлыклар салыр.... Аңа  киләчәктә иҗади уңышлар гына теләп каласы килә.

Беренче кечкенәләр А төркемендә әти-әниләргә "Ачык ишекләр" көне үткәрелде. Балалар белән "Әкиятләр иленә сәяхәт" дип исемләнгән сөйләм үстерү буенча белем эшчәнлеге күрсәтелде.