Налог буенча баш белгеч Курмакаева Дилбәр Тимуровна "Ромашка" балалар бакчасы хезмәткәрләренә шәхси кабинет аша налог түләү тәртибен аңлатты.Яңа законнар белән таныштырды, үзебез өчен бик күп мәгьлүмат алдык.

Юл-транспорт травматизмын булдырмас өчен 4 сентябрь көнне без балалар белән “Мы все за безопасность дорожного движения» дигән чарада катнаштык. Балалар белән юл куркынычсызлыгы кагыйдәләрен ныгыттык, юл аша чыкканда һәм урамда нинди кагыйдәләр үтәргә кирәклеген өйрәтүне дәвам иттек, балаларга юл элементларына, транспорт чараларына карата ориентлашу күнекмәләрен искә төшердек. Полиция хезмәткәрләре балаларга истәлекле значоклар тараттылар.

Безнең балалар бакчасында кечкенә генә тәҗрибә участогы бар. Бакчабызга йөрүче балалар өчен тәҗрибә участогы - хезмәт тәрбиясе бирү, аралашу, үзеңнең мөмкинлекләреңне белү һәм саф һавада булу урыны. Тәҗрибә участогындагы хезмәтнең иң югары ноктасы - уңышны җыю.Балалар, тәрбиче апалары белән бергә тәҗрибә участогын тәрбияләделәр: утырттылыр, сирәкләделәр, төпләрен йомшартып су сиптеләр. Аларның хезмәте бушка китмәде. Бүген зурлар төркеме балалары үзләре үстергән уңышны җыеп алдылар.

Белем бәйрәме – ул мәктәп укучыларының гына түгел, ә бакчага йөрүче балаларның да яраткан бәйрәме. 1 нче сентябрьне балалар бакчасында каршы алу традиция булып бара. “Ромашка” балалар бакчасында да “Саумы, Белем бәйрәме!” дип исемләнгән күңел ачу кичәсе узды. Кечкенә генә булсалар да, балалар рәхмәт йөзеннән тәрбияче апаларына чәчкәләр бүләк иттеләр. Бу көнне тәрбиячеләрнең төп максаты - Белем бәйрәменең әһәмиятле булуын аңлату, балаларда бәйрәм кәефе тудыру, шатлык хисләре уяту һәм дус-тату мөнәсәбәттә булырга өндәү иде. Бу бәйрәм балаларның яңа уку елы күңелләрендә матур хатирә булып уелсын иде дип калабыз.

Без бакчабызда "Эшләпәләр модасы" бәйгесе оештырдык. Бу бәйгегә барлык төркем балаларыда, ата-аналарда, апаларда актив катнаштыларр. Нинди генә төрдә, нинди генә төстә эшләпәләр юк иде. Балалар белән  төрле кызыклы уеннар уйнадык. Бәйрәмебез бик күңелле булды.

22 август Республика күләмендә "Флаг көне" дип игьлан ителде, шул уңайдан, без "Ромашка" балалар бакчасы балалары һәм тәрбияче апалары, библиотека хезмәткәрләре белән күңелле чара үткәрдек. Уеннар уйнадык, жырлар жырладык, флешмоб биедек. 

Балаларга хезмәт тәрбиясен бирү максатыннан тәҗрибә участогындагы уңышларыбызны балалар белән берлектә өмә оештырдык. Үзебезнең группага туры килгән кабачкиларны җыеп алдык. Балалар үзләре шушы эшне башкаруга бик сөенделәр. 

Район мәгариф бүлеге балалар бакчалары арасында юл йөрү буенча лэпбуклар конкурсы оештырды.  Бу чарага безнең балалар бакчасыннан барлык тәрбиячеләр дэ катнашты һәм җиңү яуладылар. Гибадуллина Р.М. - 1 урын, Хабибуллина А.М. - 2 урын, Лотфуллина Л.Г. - 3 урын, Гильфанова З.Р. - номинация. Барлык катнашучылар да җиңүчеләр - котлыйбыз!!!  

Музей - чемодан - балаларда илебезнең үткәне, солдатлар, аларның хезмәте турында күзаллау булдыру. Балаларда патриотизм тәрбияләү,аларда илебезнең узган тарихына, солдатлар батырлыгына хөрмәт, әтиләре, бабайлары, абыйлары белән горурлану хисләре тәрбияләү. Сугыш темасына әдәби әсәрләр укып, шигырьләр ятлап, әңгәмәләр аша балаларның сүз байлыкларын баеттык.

" Табигать - кеше тәрбияләүнең бай чыганагы" дип язган В.А. Сухомлинский. Табигатьне күзәтү, аны өйрәнү, сакларга омтылу - балаларның рухи дөньясын баета, уйнарга өйрәтә. Без дә  балалар белән табигатькә карата булган хөрмәтебезне, кайгыртучанлыгыбызны төрле чаралар ярдәмендә һәрдаим ныгытып торабыз.