Республикакүләм  бәйгенең район этабында  9 нчы класс укучылары  Миназова  Рәзилә     “ Самый классный”, Насртдинова Фирүзә “Самый классный педагог – организатор”  исемле презентацияләр  белән  катнаштылар.

5 нче класс укучысы Галлямова Эльвина математикадан олимпиаданың район этабында катнашып, призер булды. Укытучысы - Мингазов И.Г.  Котлыйбыз, Эльвина!

 Инвалидлар  ункөнлеге  уңаеннан  классларда  презентацияләр  бәйгесе  үткәрелде. Һәр класс  өлкәннәргә  шефлык  оештырды.

Атналык линейкада инвалидлар ункөнлегенә карата чаралар планы белән таныштырылды. Һәр класс инвалидлар, ярдәмчесез өлкәннәрнең хәлен белергә, өй эшләрендә кулдан килгәнчә ярдәм итәргә алынды. 9 нчы класс укучылары үзләре шефлык итүче бердәнбер сугыш ветераны Суфиев Әхәт белән әңгәмә кордылар, аның белән карточкага төшеп, видеоролик эшләделәр.

Классларда “Коррупциягә-юк!” дигән темага әңгәмәләр һәм иншалар бәйгесе үткәрелде.

Чираттагы биология түгәрәген укучылар туган якның хайваннарын өйрәнүгә багышладылар. Һәрбер укучы табигать кочагында булып, презентация эшләделәр.

Узган атнада беренче чирек йомгаклары һәм алда торган бәйгеләр буенча һәр класста да ата-аналар җыелышы узды.

Мәктәбебездән Салахова Айсылу Факил кызы Казанда үткәрелгән Әниләр бәйрәменә бару бәхетенә иреште.

Атнаның чәршәмбе һәм җомга көннәрендә укучылар өчен мәчетебездә дин дәресләре үткәрелә башлады.

Мәктәптән ике класс җитәкчесе “Путь к успеху” программасы нигезендә оештырылган укуларда катнашты.