Авылыбызга иман нурын иңдерүдә янып йөрүче абыстаебыз Рәүфә апа, Назим һәм Хавил абыйлар, Даим мулла Мәүлид ае тәмамлану уңаеннан, мәчиттә Мәүлид бәйрәме уздырдылар. Бәйрәмгә  авыл картлары, авыл яшьләре, балалар, авыл җирлеге рәисе Хасанов Тимергази килгән иде. Кичәдә Мөхәммәд пәйгамбәрнең тормышы өйрәнелде, баблар, шигырьләр, намазлар, догалар укылды, мөнәҗәтләр әйтелде. Мәчеткә хәер бирелде.Бәйрәм чәй табыны янында дәвам итте. Соңыннан күчтәнәчләр таратылды. Бәйрәмне әзерләүчеләргә зур рәхмәт!

Мәктәптә 3 нче чирек башланды. Балалар озын кышкы каникулда көч туплап, кабаттан мәктәпкә килделәр.Укучыларга  укуларында уңышлар һәм сәламәтлек  теләп калабыз!

Безнең мәктәпнең 9 нчы класс укучылары Миназова Рәзилә һәм Насртдинова Фирүзә укуда ирешкән уңышлары өчен хакимият ёлкасында катнашу хокукына ия булдылар, алар "Рәхмәт хаты" һәм күчтәнәч белән бүләкләнделәр.

4.01.2014 көнне мәгариф хезмәткәрләренең район спартакиадасы узды. Спартакиада кысаларында чаңгы, шорт-трек, өстәл теннисы, шахмат, аркан тарту һ.б. спорт төрләреннән ярышлар узды. Безнең мәктәп укытучылары да уңышлы чыгыш ясады. Афәрин!

Мәктәп күләмендә уздырылган "Ел укытучысы-2014" бәйгесендә җиңүгә ирешкән Хайдарова Гөлназ район бәйгесенә әзерләнә.Уңышлар телибез!

Дәүләт йомгаклау аттестациясе  буенча, кабинетларда укучылар өчен  методик ярдәмлекләр куелган стендлар эшләнде.

3,4 класс укучылары Галлямова Ләйсән һәм Салахова Ләйсән Байсар куст мәктәбендә  инша язу буенча осталыкларын күрсәттеләр. 

16 января учительница русского языка Хайдарова Т.Р. была на районном семинаре учителей русского языка в «Кадетской школе -интернате». Тема данного семинара: «Текстоцентрический подход к преподаванию русского языка как эффективная форма подготовки к ГИА и ЕГЭ». Был показан открытый урок Хамматуллиной Э.А. по русскому языку в 8 классе по теме: «Понятия об однородных членах предложения и знаки препинания в них». После открытого урока выступил директор школы Ялалов И.И., рассказал о школе, о достижениях. Далее на семинаре был анализ открытого урока и были рассмотрены вопросы по поводу подготовки к ГИА и ЕГЭ по русскому языку и литературе.

“ Бозлавыкта сак бул!” дигән республикакүләм бәйгенең район этабында катнашып,    4 нче сыйныф укучылары Салахова Ләйсән һәм Дишин Эмиль җиңеп чыктылар һәм эшләре республика бәйгесенә җибәрелде.

“Бозлавыкта сак бул!” республика күләмендә үткәрелгән рәсем  бәйгесендә 4 нче сыйныф укучысы Салахова Ләйсән җиңеп чыкты һәм  1 нче февральдә бүләкләнү тантанасына Казан шәһәренә чакыру алды.