9 нчы сыйныфта ГИАга әзерләнү өчен куст күләмендә укучылар рус теленнән сынау имтиханнары үтәләр.

3 нче февраль көнне районда инглиз теленнән эссе язу конкурсы оештырылды. Анда безнең мәктәптән 9 нчы класс укучысы Исламов Ильяс катнашты.

7 нче февраль көнне Сочида кышкы олимпия уеннары башланды. Спортсменнарыбызга уңышлар телибез!

1 көн. Тарих укытучысы Тимирова Вәсилә башлангыч класс укучылары белән музейга экскурсия оештырды.

   7 нче февраль көнне  Ләйсән Казанга  барды һәм  “Будь бдителен  на льду” дигән рәсем бәйгесендә  җиңгән өчен  бәйрәм  тантанасында катнашты. Планшет һәм  диплом  белән бүләкләнде.                                

23 гыйнвар көнне Әтәс  мәктәбендә тәрбия эшләре буенча директор урынбасарлары һәм сыйныф җитәкчеләренең " Шәхеснең иҗади үсешен тәэмин итүдә дәрес, класстан тыш һәм мәктәптән тыш тәрбия эшенең бердәмлеге" темасына район семинары  булып узды. Семинар план нигезендә эшлекле узды.

Мәктәптә татар теле укытучысы  Миназова Рәвия "Туган телем- иркә гөлем " дигән темага иншалар бәйгесе уздырды. Телгә карата презентация күрсәтелде.  

Бу атнада мәктәбебездә тарих укытучысы Тимирова Вәсилә Шәрип кызы җитәкчелегендә тарих атналыгы үткәреләчәк. Анда класслар арасында КВН, презентацияләр бәйгесе һәм башка чаралар үткәрелүе көтелә

Хөрмәтле Тәнзилә Рәеф кызы! Сезне туган көнең белән котлап, иң изге, якты, матур теләкләребезне юллыйбыз. Туар таңнарың тыныч, саулыгың ныклы, гомерең бәхетле булсын! Авырмый, кайгы-хәсрәт күрми, озын гомер итүеңне,дусларыңның, укучыларыңның, якыннарыңның игелеген күреп яшәргә язсын. Мәктәп коллективы.   

Класс сәгатьләрендә “Ленинград блокадасы” буенча әңгәмәләр узды.6 нчы класста Ленинград блокадасында катнашкан авылдашыбыз Сәет Карамов турында әңгәмә үткәрелде һәм альбомын карадык.