Укучылар язгы каникулдан соң зур көч туплап, 4 нче чирекне башладылар.Укучыларга укуларында зур уңышлар телибез.

Көлке көне күп илләрдә билгеләнеп үтүче рәсми булмаган халыкара бәйрәм. Күпчелек илләрдә ул 1 нче апрельдә үтә.    Бу бәйрәм XVI гасырдан бирле үткәрелә.  Россиядә массакүләм рәвештә көлке көне беренче тапкыр Мәскәү шәһәрендә 1703 нче елда үткән.

Районда шигырь сөйләү конкурсы  узды. Анда безнең мәктәпнең нәфис сүз осталары – Салахова Ләйсән һәм Хасанов Рамис катнашты. 9 нчы класс укучысы Хасанов Рамис 1 урынга лаек булды. Афәрин!

Бу атнада башлангыч класс укучылары арасында шигырь уку бәйгесе  оештырылды. Мәктәптә җиңгән 4 класстан  Салахова Ләйсән,3 класстан Галлямова Ләйсән,2 класстан Шайгзамов Ильяс   кустка мәктәп данын якларга бардылар. Салахова Ләйсән  барысын да җиңеп, 1 урынга чыкты.

  21 нче март  көнне “Яшьлек”  милли –мәдәни  үзәгендә  “Татар кызы “ һәм “Татар егете”  бәйгеләренең   финал  өлеше  булып узды.

24 нче марттан  1 нче  апрельгә  кадәр язгы  каникул була.Укучыларга яхшы итеп ял итүләрен телибез. Юлда, сулык буйларында һ.б куркынычсызлык техникасы кагыйдәләрен үтәүләрен сорыйбыз.  9 нчы класс укучыларының консультацияләре дәвам итә.

Авыл мәдәният сараенда күңелне тетрәндерерлек кичә булып үтте. Ул Әфганстаннан Совет гаскәрләрен чыгаруга 25 ел уңаеннан оештырылган иде. Кичәдә үзебезнең авылдан Әфганстанда булып кайткан абыйларыбыз турында күп мәгълүмат бирелде. Авылыбыздан    Әфганстанда хезмәт иткән Абдуллин Хәлил   истәлекләре тыңланды.

"Радуга родного края" фестиваленең 3 туры йомгакланды. Безнең мәктәп укучылары  да бу бәйгедә актив катнаштылар. Миназова Рәзилә 1урын алды һәм диплом белән бүләкләнде. Укытучысы: Миназова Рәвия Җәмигънур кызы. Котлыйбыз!

Мәктәбебезнең башлангыч класс укытучылары Хафизова Нәзлия һәм Шәймарданова Энҗе Актаныш №1 мәктәбе базасында узган регионара семинарда катнаштылар. Семинарда дәрес эшкәртмәләре, методик эшләр буенча чыгарылган җыентык та тәкъдим ителде.