11 сентябрь көнне мәктәптә гомуми ата-аналар җыелышы узды. Җыелышта районның полиция бүлегеннән балигъ булмаган балалар  белән эшләү инспекторы Ахунова А.А. балалар арасында хокук бозуларны булдырмау турында чыгыш ясады. Әтәс авыл фельдшеры Фаттахова И.Ә. гриппка каршы вакцинация ясатуның әһәмияте турында аңлатты.

Бүген мәктәптә Белем бәйрәме уңаеннан тантаналы линейка үтте.  1 нче сыйныфка 6  укучы кабул ителде. Бәйрәмдә авыл җирлеге башлыгы, хуҗалык җитәкчесе, ата-аналар, лаеклы ялдагы укытучылар  катнашты. Алар үзләренең бәйрәм котлауларын җиткерделәр.  Шул ук көнне  һәр класста  “Без тынычлык яклы  ” темасы астында тәрбия сәгатьләре үткәрелде. Балаларга тынычлыкны саклау, дус булу турында аңлатылды  һәм тәрбияви презентация күрсәтелде.

Актаныш районында узган район мәгариф хезмәткәрләренең август киңәшмәсендә Әтәс төп гомуми  белем бирү мәктәбенең тарих һәм җәмгыять белеме укытучысы Хәбибуллина Сөмбел Габдулла кызы яшь буынны укыту һәм тәрбияләүгә керткән зур өлеше, купьеллык хезмәте өчен Татарстан Республикасы Мәгариф һәм Фән Министрлыгының Мактау грамотасы белән бүләкләнде. Котлыйбыз, киләчәктә дә уңышлар телибез!

17 нче август көнне Әтәс төп гомуми белем бирү мәктәбе базасында район күләмендә тарих, җәмгыять белеме укытучыларының "Актуальные вопросы преемственности, сисемности и результативности в контексте внедрения ФГОС ООО" дигән тема астында август киңәшмәсе үтте. 

28нче апрель көнне Уразай мәктәбендә экология буенча проект эшләрен яклау буенча конкурс үтте. Безнең мәктәпнең 7нче класс укучысы Хисамова  Милүшә "  " проект эше белән катнашты һәм җиңүче булды (җитәкчесе биология укытучысы Нәгыймова Д.Р). Котлыйбыз!

25 нче апрель көнне Актаныш гимназиясендә китапханәчеләрнең район күләмендә "Мастер-класс" бәйгесе уздырылды. Анда мәктәбебезнең  китапханәчесе Шириева М.Р.   "Кояш көлеп карый безгә" темасына мастер класс күрсәтте.