Бүген районның үзәк балалар китапханәсендә Яңа ел бәйрәме үткәрелде. Бу чара "Яңа ел уенчыгы "конкурсында катнашкан балалар өчен оештырылган иде. Аккүз мәктәбеннән бу конкурска 8 укучы катнашты һәм бәйрәмгә чакырылды. Балаларга "Рәхмәт хаты"  , истәлекле бүләкләр тапшырылды.

Бүген мәктәптә сәламәт яшәү рәвешен пропагандалау максатыннан,авылыбыз фельдшеры Анамова Л.Х.белән очрашу булды. Ләйсән апа укучыларга хәзерге заман чирләре һәм аларны булдырмау турында аңлатты. Укучылар үзләрен кызыксындырган сорауларын бирделәр.

Бүген башлангыч класс укучылары янына  "Кояшкай" балалар бакчасына йөрүче балалар кунакка килде. Укучылар белән бергә нәниләр төрле кызыклы биремнәр үтәделәр,укучылар өчен кагыйдәләр белән таныштылар, шигырьләр сөйләделәр. Очрашу күңелле булды.

Мәктәптә Яңа елга әзерлек эшләре башланды. Шул уңайдан мәктәп күләмендә матур итеп бизәләгән класс бүлмәсе, рәсем, кул эшләре һәм башка конкурсларга старт бирелде. Укучылар кызыксынып, әлеге конкурсларга әзерлек эшләрен башлап җибәрделәр. Аларга уңышлар телибез!

11 нче декабрь көнне мәктәптән 3 укучы: Исламова А., Хөснимәрдәнова А., Әхмәтова А. тантаналы рәвештә кулларына паспорт алдылар. Аларны Рәсәй Федерациясе гражданиннары булулары белән котлыйбыз!

<span pt="" sans',="" sans-serif;="" font-size:="" 13px;="" line-height:="" 16px;"=""> 10 нчы декабрь көннеАккүз төп гомуми белем бирү мәктәбендә “Россиядә код сәгате” акциясе уздырылды.Шул уңайдан шул көнне тематик дәресләр уздырылды. Укучыларга информацион технологияләр, информатика фәнен өйрәнү һәм программалаштыруны ни өчен белергә кирәклеген видеоматериалларга нигезләнеп аңлатты. Дәрес ахырында һәр укучыга да бу акциядә катнашу максат итеп куелды. Укучыларыбыз акциядә актив катнашырлар дип ышанып калабыз!

Мәктәптә  "Геройлар көне" -истәлекле датага багышланган сыйныф сәгатьләре үткәрелде. Мондый бәйрәм өчен 9 декабрь очраклы гына сайланмаган. Екатерина II нәкъ менә бу көнне 1769 елда яңа бүләкне раслый. Ул Изге Георгий ордены була. Аның белән аерым батырлык күрсәткән сугышчылар бүләкләнгән. Илебездә бу көнне Георгий ордены кавалерларын хөрмәтлиләр. Россиядә бу көнне чын батырларны искә алып, алар турында хәтер яңарталар.