Апрель аенда Казанда "Казан милли тикшеренү технологик университеты" (КНИТУ) оештырган 7-11 нче класс  укучылары һәм студентлар өчен "Нобелевские надежды КНИТУ - 2015" иҗади һәм фәнни-тикшеренү эшләре конкурсы үткәрелгән иде.  Бу конкурста мәктәбебезнең тарих-география укытучысы Шайхутдинов И.Н. җитәкчелегендә 6 укучы катнашты. Шуларның өчесе 15 нче май көнне узган финал ярышларында катнашып, икесе зур бәйгедә үз номинацияләрендә җиңүгә ирештеләр (8 нче класс укучылары  Нуриев Д. (1 нче урын), Шакирова А. (3 нче урын)) һәм грамота, сертификат, зур бүләкләр белән бүләкләнделәр.

Иртәгә - 12 нче май көнне 9 нчы сыйныф укучылары татар теленнән бердәм республика тесты тапшырачаклар. Укучыларга уңышлар телибез! Сынатмагыз! 

Бүген Бөек Җиңүнең 70 еллыгы уңаеннан мәктәп коллективы "Үлемсез полк" акциясендә катнашты. 11 сәг.тә авыл уртасына батырлыр хөрмәтенә салынган һәйкәл янында митинг узды. Укучылар, укытучылар коллективы, авыл советы һәм башка оешмалар һәйкәлгә венок салганнан соң, мәдәният йортында укучылар катнашында музыкаль композиция күрсәтелде. 

Юл хәрәкәте куркынычсызлыгы буенча Өченче Глобаль атналык кысаларында бүген мәктәптә "Урамда һәм юлда хәрәкәт куркынычсызлыгы" темасына класс сәгате үтте. Әлеге класс сәгате бик зур әһәмияткә ия булды, укучылар куркнычсызлык буенча күп кагыйдәләрне искә төшерделәр, файдалы мәгълүмат алдылар. ТИН укытучысы-оештыручысы Муратов К.Н.ка зур рәхмәт.

4-7 нче май көннәрендә үткән атналыкка йомгак ясап, чараларда катнашучыларга мәктәп администрациясе тарафыннан рәхмәт белдерелде. 

Юл хәрәкәте куркынычсызлыгы буенча Өченче Глобаль атналык старт алды. Линейкада атналык планы белән таныштырылды. ЮИД агитбригадасының  эшчәнлеге турында чыгышы тыңланды.

Бүген мәктәбебездә башлангыч сыйныф укучылары тарафыннан әзерләнгән "Балачакта калам" исемле бәйрәм концерты булды. Яз һәм хезмәт бәйрәменә  багышланган әлеге кичәне оештыручыларга - башлангыч сыйныф укытучыларына, укучыларга зур рәхмәт белдерәбез. Барыгызны да бәйрәм белән котлыйбыз!

28нче апрель  көнне мәктәпнең 9нчы сыйныф укучысы Габбасова Лилия Казан шәһәренең  Совет районы 20нче гимназиясендә “Алиш эзләреннән” дип исемләнгән  I төбәкара фәнни-гамәли конференциянең йомгаклау  тантанасында  булып кайтты.  Бәйрәмдә катнашкан күренекле язучылар, галимнәр, шагыйрьләр һәм шагыйрәләр белән очрашу насыйп булды. Ул,   “Шигърият бакчасында” секциясенең I турында җиңеп, лауреат исемен яулады, диплом һәм истәлекле бүләкләргә лаек булды, Лилиянең шигырьләре “Алиш эзләреннән” дигән җыентыкка кертелде.

Бүген укучылар ТИН укытучысы Муратов К. җитәкчелегендә авыл үзәгендәге Бөек Ватан сугышы каһарманнары истәлегенә салынган һәйкәл тирәсен җыештыруда катнаштылар. 

Шулай ук мәктәп яны территориясен чистарту буенча өмә дә оештырылды.  Барлык укучылар, укытучылар, хезмәткәрләр өмәдә актив катнаштылар.