Бүген 5-10 класс укучылары өчен сайтта психологик иминлек мониторингы булып узды. Бу эш информатика укытучысы Фатихов Р.Ф. ка йөкләнгән иде.

Казанда уку-укыту эшләре буенча директор урынбасарлары өчен укулар дәвам итә. 

Бүген укучылар һәм укытучылар өмәдә катнаштылар.

Мәктәп туры олимпиадалары дәвам итә. Укучылар информатика, биология, тормыш иминлеге нигезләре, химия, астрономия, технология һәм физкультура фәннәреннән үзләренең белемнәрен сынадылар.

Районыбыздан Казан шәһәренә химияне тирәнтен өйрәнергә ике укучы китте. Алар анда 5 көн буе белемнәрен арттырачаклар. Укучыларның берсе -  мәктәбебезнең 11 класс  укучысы - Цыганова Альбина. Алар Республика олимпиада үзәгендә белем алалар, төрле экспериментлар уздыралар. Альбинага анда уку ошый. "Мине монда КНИТУ га укырга чакыралар инде,"- ди ул. 

Районның Балалар иҗаты йортында оештырылган шахмат ярышында мәктәбебездән дүрт укучы катнашты. Шуларның икесе - 8 нче класс укучылары Миннегалиев Рүзәл һәм Мингазова Чулпан икенче урын алып кайттылар. Афәрин, яшь шахматистларыбыз!

Бүген 2 класс укучылары рус теле буенча ВПР эшләделәр.

Мәктәп бакчасында көзге эшләр гөрли. Кайсылары чәчәклекне тәртипкә китерә, орлыклар җыя. Икенчеләре кишер, чөгендер ала, чүп җыя. Җирне язгы көннәргә яхшы итеп әзерлик.

Бүген Сарсаз Баграж авылында шашка-шахмат ярышы булып узды. Безнең мәктәп командасы - 2 урында. Афәрин, укучыларыбыз!