Зәйдә Татарстан Республикасы муниципаль хезмәткәрләре спартакиадасы кысаларында волейбол буенча ярышлар узды. Ярышларда ир-егетләрдән торган 14 команда катнашты. Нәтиҗәләр буенча зәйлеләр - өченче урында, Казан командасы - беренче, Түбән кама икенче урынны яулады.

Мәктәп еллары уку белән генә түгел, ә күңелле бәйрәмнәре белән дә истә кала. 7-11 класс укучылары әлеге бәйрәмгә бик теләп әзерләнгәннәр. Кичә барышында һәр класс нинди дә булса сәләте буенча ачылды. Бәйрәмнән соң дискотека булды.

Тарих һәм җәмгыять белеме фәне укытучысы  Семёнова Р.Н. һәм авыл депутаты Давлетшина Р.Н. катнашында югары класс укучылары өчен "Парламент дәресе" узды. Чара барышында законнар, дәүләт темасына кагылган сораулар бирелде. 

1-6 класс укучылары класс җитәкчеләре белән бик күңелле матур бәйрәм әзерләделәр. Өстәлләрдә көзге уңышлардан төрле сувенирлар ясап куелган. Балалар үзләренең матур җыр-бию-шигырьләре белән тагын бер кат осталыкларын күрсәттеләр. Әлеге бәйрәм кечкенәләрнең күңелендә озак сакланыр.

11 класс укучысы Шакирова Айсылу узган уку елында 4 фәннән республика  олимпиадаларында призлы урыннар яулады. Шул уңайдан Айсылу районыбыз олимпиадниклары һәм укытучылар белән 25 октябрь көнне Түбән Кама шәһәрендә слётта булып кайтты. Әлеге чара бик мавыктыргыч узды, диде укучыбыз.

Мәктәбебез китапханәчесе Шәйдуллина О.Г. укучыларга "Подари книге вторую жизнь" дип исемләнгән чара уздырды. Ул презентация ярдәмендә китапларга карата сакчыл караш, мәхәббәт тәрбияләде.

Мәктәп тирәсен чистартабыз!

8 класс укучылары "Дус класс серләре" дигән конкурска әзерләнәләр. Алар класс җитәкчеләре Семенова Р.Н һәм әти-әниләре белән берлектә төрле-төрле эшләр башкаралар: презентацияләр ясыйлар, шәхси сайтлар барлыкка китерәләр.

Тарих һәм җәмгыять белеме укытучысы Семенова Р.Н. белән берлектә укучылар ТР һәм РФ Конституциясенә багышланган берничә почмак ясадылар. Анда укучылар тарафыннан ясалган флаг рсәемнәре дә урын алды.