"Линия надежды" оказывает помощь отчаявшимся людям, оказавшимся в тяжелой жизненной ситуации, помогает вернуть веру и надежду

Бүген, 20 нче апрельдә гимназиябездә "Сәламәт елмаю һәм чиста куллар» Бөтенроссия акциясе узды. Бу акция 2026 елның 13 апреленнән 24 апреленә кадәр үтә.
Акцияне Роспотребнадзор «Санпросвет» коммуникацион стратегиясе һәм «Себер мәктәбе — сәламәтлек территориясе" оештыра.
Акциянең максаты: сәламәтлек турында фәнни нигезләнгән белемнәрне мәктәп укучыларыннан алып өлкән буынга кадәр файдалы гигиена гадәтләрен формалаштыру һәм ныгыту.

20 нче апрельдән гимназиядә Тукай атналыгы башланып китте. Тукай - халкыбызның рухи символы. Шагыйрь үлемсезлеге – аның әсәрләрендә. Аның иҗаты татар һәм Россия әдәбиятының алтын фондына керә. «Туган тел» шигыре татар халкының гимнына әйләнде. Бүген гимназиядә бөек шагыйребез Габдулла Тукай иҗатына ба-гышланган искиткеч күргәзмә оештырылды.
Укучыларыбыз шагыйрьнең әсәрләре буенча рәсемнәр ясады, кул эшләре әзерләде.
«Туган тел», «Су анасы», «Шүрәле» — һәрбер эштә Тукайның тылсымлы дөньясы чагылды. Балаларның иҗади хезмәтләре шагыйрьнең әсәрләренә яңа сулыш өрде. Ә 2б сыйныфы укучыларының әти- әниләре белән берлектә ясаган “Шүрәле” поэмасына композиция - күргәзмәнең йөзек кашы!
Рәхмәт, әти- әниләр,укучылар - барыгызга да! Тукай иҗаты безнең күңелләрдә мәңге яшәр, ә туган телебезнең матурлыгы буыннан-буынга күчәр!

Россия халыклары бердәмлеге елы кысаларында, 7 нче А сыйныф укучылары өчен «Агач тактада рәсем ясау. Рухи чыганаклар»
дигән мастер - класс узды.

Бүген, 18 нче апрельдә, профориентация кысаларында, АТЭТ(Әлмәт сәүдә-экономика техникумы) вәкиле белән очрашу узды. Ул 9 нчы сыйныф укучыларын әлеге һөнәр техникумы эшчәнлеге белән таныштырды.

Беренче ышаныч телефоны 1953 елда авыр хәлдәге кешеләргә ярдәм итү буларак барлыкка килде. Инглиз кешесе Чад Вара газетада үзенең телефон номерын бастырып чыгарды, әгәр тормышларында кыенлыклар килеп чыкса, кешеләргә теләсә кайсы вакытта шалтыратырга тәкъдим итте. Әгәр алар үзләре дә хәл итә алмаслык кыенлыклар туса: алар ялгыз булганда, аптырашта калганда һәм янәшәдә ярдәм яки киңәш сорап мөрәҗәгать итә алырлык кеше булмаса, ышаныч телефоны барлыгын онытмаска кирәк. Бүген урта һәм югары сыйныф укучылары өчен гимназиябезнең педагог-психологы Назмутдинова Л.А. "Ышаныч телефоны" турында тематик сыйныф сәгате үткәрде.

19 апрельдә совет геноциды корбаннарын искә алу көне билгеләп үтелә.1941-1945 еллардагы Бөек Ватан сугышы чорында нацистлар һәм аларның булышчылары тарафыннан кылынган бу фаҗига турында сыйныф сәгате узды.

 Бу көнне гимназиядә "Безне берләштергән көн" дип исемләнгән космоска беренче кеше очуның 65 еллыгына багышланган фәнни-тарихи сәгать үткәрелде.  1961 елның 12 апрелендә булган бу вакыйга совет фәне һәм техникасының триумфы гына түгел, ә бөтен кешелек тарихында борылыш ноктасы булып, космосны үзләштерүнең яңа эрасын ача.  Зәй туган як тарихын өйрәнү музее хезмәткәрләре гимназистлар һәм кунаклар игътибарына "Космос безнеке!" дип исемләнгән күргәзмә тәкъдим итте. Күргәзмә кызыклы артефактларга бай иде, алар арасында Сергей Крикалевның космик костюмы прототибы, авыр авиация очучысының гермошлемы, голографик вентилятор аерым урын алды. Бу экспонатлар, космоска кешенең беренче адымнары турында белү белән бергә, укучыларга бөек казанышлар тарихы белән танышу мөмкинлеге иде. “Чарада аеруча игътибарга лаеклы вакыйга – Иске Тәкмәк авылында туып-үскән Чекашовлар гаиләсенең катнашуы булды. Алар - тарихи мизгел – "Восток" космик корабының Зәй җиренә төшүен күргән шаһитлар. Чернушка исемле эт-космонавт Иске Тәкмәк янындагы басуга төшкән вакытта Алик Нургалиевичка 10 яшь булган. Ул вакыттагы гомуми дулкынлану, автоматлы десантчылар, самолетлар – барысы да аның хәтерендә гомерлеккә уелып калган. Бу шәхси истәлекләр яшь тыңлаучыларга ерак һәм фантастик булып тоелган вакыйгаларның масштабын һәм әһәмиятен тоемларга мөмкинлек бирде”, - ди музейның өлкән фәнни хезмәткәре Светлана Долгова.

Бөек Ватан сугышы тәмамлануга 81 ел тулу уңаеннан, Зәй муниципаль районында "Җиңү мае" дип исемләнгән җыр һәм строй бәйгесе узды. Әлеге бәйгедә гимназиябезнең егетләре 3 нче урынга лаек булды. Афәрин, котлыйбыз!

17 нче апрель көнне "Имин тәгәрмәч" — яшь хәрәкәт инспекторларының Бөтенроссия конкурсы (ЮИД) узды. Бу Россия Федерациясенең гомуми белем бирү оешмалары укучылары арасында команда беренчелеге.Әлеге чарада гимназиябезнең 4 нче Б сыйныф укучылары катнашты.Бу бәйге балаларның юл-транспорт травматизмын профилактикалауга юнәлдерелгән.