Бүген укучыларның көтеп алган Яңа ел тамашасы узды. Спортзал уртасында бизәлгән зифа чыршы, әкият геройлары һәм әлбәттә инде укучылар үзе. Бәйрәм бик матур узды.

Барлык мәктәп коллективы тырышлыгы белән уку йортыбыз фасады һәм ишегалды сихри яңа ел төсмере алды. Кич белән биредә бигрәк матур!

Гомуми мәктәп линейкасында тарих-география укытучысы Абзалина Г.А. булып узган фән атналыгына йомгак ясады. Атналык барышында актив укучыларга грамота һәм бүләкләр тапшырды.

Мәктәпнең рәсем галереясында башлангыч сыйныф укучыларының "Кышкы пейзаж" темасы астында ясалган иҗат эшләре урын алды. Рәсем күргәзмәсен тәрбияче Шәйхаттарова Э.Ш. оештырды.

Мәктәп коллективы кар аз дип тормады, бергәләшеп авыл паркына кар сыннары ясау өчен кар җыярга чыкты. Быел авыл җирлеге Яңа елга әзерлек бәйгесендә катнашырга уйлый. Шуңа да мәктәп үзеннән өлеш кертеп Кыш бабай һәм кар кызы сынын ясады, тагын 6 урында кар җыеп куйды. Алардан да соңрак матур кар сыннары ясалачак.

Мәктәпнең яшь туристлары Яшел Үзән шәһәрендә узган ярыштан 2 урын яулап кайттылар. Котлыйбыз егетләрне!

Инвалидлар ункөнлеге кысаларында 8 класс укучылары класс җитәкчеләре А.Г.Замалиева  белән мәктәбебездә укучы авыру балалар Гәйнетдинова И. М. hәм Гумеров Р.Р. ларның өйләрендә булдылар. Укучылар аларга уз куллары белән эшләнгән бүләкләрен тапшырдылар.

Ачасыр авылы ФАП хезмәткәрләре мәктәп коллективы һәм ата-аналар каршында Котыру  авыруын (Бешенство) профилактикалау һәм аны булдырмый калу чаралары буенча чыгыш ясадылар. Һәркемгә әлеге йогышлы авырудан сак булырга кирәк!

Котыру (бешенство) - төп нерв системасын зарарлый торган авыру. Аны вируслар китереп чыгара. Вирус авыру хайваннарның нерв системасына урнаша hәм тышкы тирәлеккә селәгәй белән бүленеп чыга. 

Бүген мәктәбебездә ана-аналар жыелышы булып узды. Директор Мухаметзянов Илhам Илдар улы узган уку елы нәтиҗәләре буенча публичный доклад белән чыгыш ясады.

Мәктәп укучылары актив рәвештә кулланылган батареялар җыю акциясендә катнашты. Әлеге чараның беренче этабы тәмам һәм безнең укучылар 33 кг батарея тупларга өлгерде. Бүген алар махсус капчыкларга тутырылып тапшыру үзәгенә алып кителде. Укучылар үз гамәлләре белән күпме хайванны үлүдән һәм туфракны пычыранудан саклап калды.