Бүген мәктәптә "Җәмгыять.Парламент.Мин"  исеме астында Парламент дәресе узды. Дәресне тарих укытучысы Абзалина Г.А. алып барды. Чарада Олы Ачасыр авылы башлыгы, район советы депутаты Гатиятуллин М.Г. катнашты.

Бүген мәктәптә Укытучылар көне уңаеннан бәйрәм тантанасы узды. Укучыларның матур чыгышы, котлаулар, остазлары күңеленә  хуш килде. Бәйрәмдә ветеран укытучылар да катнашты.

Туризм түгәрәгенә йөрүче 8-9 класс укучылары К.Насыйри туган авылына кунмалы поход оештырдылар. Укучылар авыл тарихы  белән таныштылар, истәлекле урыннарны карадылар, кунмалы поход серләренә төшенделәр.

Башлангыч классларда Мәдәни дәрес узды. Быелгы дәрестә укучылар алдында авылның мәдәният учреждениеләрендә (мәдәнит йорты, музей, китапханә) эшләүче хезмәткәрләр чыгыш ясады. Дәрес ахырында укучыларга тантаналы төстә Мәдәни көндәлекләр тапшырылды. Узган елгы бәйгедә Гатиятуллина Әминә җиңеп Казанга тантанага чакырулы иде. Быелгы укучылар арасында да җиңүгә омтылучылар булыр дип ышанып калабыз!

Яңа уку елына старт бирем 1 нче сентябрь көнне мәктәптә тантаналы төстә Белем көне узды.

Имтиханнарны уңышлы тәмамлап, бүген 9 класс укучылары аттестат алды. Чыгарылыш кичәсе узды.

Мәктәптә 1 июнь - Балаларны яклау көне уңаеннан Кече Сабантуй узды. Укучылар  милли уеннарда ярыша алды, бәйгеләрдә катнашты, биеде. Һәр катнашучы призлар белән бүләкләнде.

9 класс укучылары өчен соңгы кыңгырау яңгырады. Быел мәктәпне 6 укучы тәмамлый. Мәктәп спортзалында узган бәйрәм тантанасы бик эчтәлекле узды. Укучылар елатты да көлдертте дә. Без үз чиратыбызда аларга алдагы сынауларда һәм тормышларында уңышлар теләп калабыз.