22 нче март көнне гимназиябездә, Җир көненә багышланган, “Безнең  йортыбыз – Җир шары” дип исемләнгән кул эшләре бәйгесе үтте. Укучылар берсеннән-берсе үзенчәлекле эшләр алып килделәр.

Җир — әлеге вакытта Галактикада җан ияләре тереклек иткән бердәнбер планета. Кызганычка каршы, бигрәк тә соңгы ярты гасыр дәвамында фәнни-техник прогресс үсеше, еш кына кешеләрнең ваемсызлыгы нәтиҗәсендә кабатланып торучы экологик һәм шул ук вакытта табигый бәла-казалар Җир яшәешенә куркыныч тудыруын дәвам итә. Халыкара Җир көнен билгеләүнең дә төп максаты —- барлык илләр халыкларын табигать кануннарына буйсынып яшәргә, Җирнең кадерен белергә чакыру.

22 нче март көнне Бөтендөнья су ресурслары көне билгеләп үтелә. Дөньяның 43 илендә 700 миллионга якын кеше су җитмәү проблемасы кичерә. Оештыручылар фикеренчә, бу көннең төп бурычы - планетада яшәүче һәр кешегә су ресурсларының әһәмияте һәм аларны сакаларга кирәклеге турында искәртү. 

Шул уңайдан гимназиябезнең “Чишмә” отряды “Табигать-экология – без – куркынычсызлык» темасына фикер алыштылар. Экологик проблемалар турында сөйләштеләр.

27 март  - Бөтендөнья театр көне билгеләп үтелә. Театр – грек теленнән тәрҗемә иткәндә «тамаша өчен урын» дигәнне аңлата. Театр тамашачы булган җирдә башлана, диләр. Ягъни бер генә театр да тамашачысыз булмый.

Беренче театр Борынгы Грециядә барлыкка килгән. Ул ачык һавада ярымтүгәрәк формада төзелә. Хатын-кызларга тамаша карарга рөхсәт ителмәгән, шуңа күрә театрга ир-атлар гына йөргән.

Россиядә театр 17нче гасырның икенче яртысында барлыкка килгән. Бүгенге көндә аның бик күп төрләре бар. Мәсәлән, драма, опера, балет, курчак, пантомима театрлары.

Шушы истәлекле датага багышланган “Өстәлдә театр” исемле мастер-класс үтте. Укучылар кәгазь курчаклар ясадылар һәм “Йомры икмәк” әкиятен сәхнәләштерделәр.

Бүген гимназиябездә полиция өлкән лейтенанты, Казан шәһәре буенча ДПС инспекторы Сәләхиев Эльвир Мәсхүт улы юл йөрү кагыйдәләре буенча профилактик әңгәмә үткәрде.

Балалар мәктәптә укый башлаганчы ук юлда йөри башлыйлар. Шуңа күрә балаларның урамда һәм юлда үзләрен тоту кагыйдәләренә өйрәнүгә әзерлекне кече яшьтән үк башларга кирәк. Шуңа күрә һәр чирек саен, укучылар каникулларга китәр алдыннан, инспекторлар профилактик чаралар үткәрәләр.

Бүген ЮИД отряды башлангыч сыйныфларда “Яшел, сары, кызыл” исемле викторина үткәрде.

Уен барышында укучылар юл йөрү кагыйдәләре, юл билгеләре белән таныштылар.

Бүген гимназиябездә Гаилә елына багышланган “Җырлыйм гаиләм турында” исемле җыр бәйгесе үтте.

Укучылар әниләре, әтиләре, якыннары туында берсеннән-берсе матур җырлар башкардылар.

В.В. Путин Россиядә 2024 елны Гаилә елы дип игълан итте. Карар гаиләне яклау һәм традицион кыйммәтләрне саклау өлкәсендә дәүләт сәясәтен популярлаштыру өчен кабул ителде, диелә Россия Президенты Владимир Путин указында.

18 мартта Россия Федерациясендә Кырымның Россия белән кушылу көне билгеләп үтелә. Кырым Республикасы территориясендә бу көн 2015 елның 3 мартында кабул ителгән республика законы нигезендә бәйрәм һәм ял көне булып санала. Нәкъ менә шул көнне 2014 елда Кырым рәсми рәвештә Россия Федерациясе составына керде. Бу территорияләрнең Россия составына керүе 2014 елның 18 мартында Мәскәүдә Зур Кремль сараеның Георгий залында Россия һәм Кырым республикасы башлыклары тарафыннан имзаланган дәүләтара килешү нигезендә теркәлгән. Өстәвенә, әлеге документ нигезендә Кырым Республикасы һәм Севастополь шәһәре РФ составына кабул итеп кенә калмыйча, аның яңа субъектлары да булды. 

Шул уңайдан барлык сыйныфларда әңгәмәләр узды.

Бүген, 18 нче март көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим әйберләр турында сөйләшүләр" узды. Бүген дәрес Кырым ярумутравының Россиягә кушылуы турында иде һәм «Кырым һәм Севаспополь: 10 ел туган диңгез култыгында » дип аталды.

18 мартта Россия Федерациясендә Кырымның Россия белән кушылу көне билгеләп үтелә. Кырым Республикасы территориясендә бу көн 2015 елның 3 мартында кабул ителгән республика законы нигезендә бәйрәм һәм ял көне булып санала. Нәкъ менә шул көнне 2014 елда Кырым рәсми рәвештә Россия Федерациясе составына керде. Бу территорияләрнең Россия составына керүе 2014 елның 18 мартында Мәскәүдә Зур Кремль сараеның Георгий залында Россия һәм Кырым республикасы башлыклары тарафыннан имзаланган дәүләтара килешү нигезендә теркәлгән. 

Шул уңайдан башлангыч сыйныфларда “Кырымга сәяхәт” квест-уены узды.

Кырымның Россия составына кертелүенә быел 10 ел була. Шул уңайдан тәрбия эшләре буенча директор киңәшчесе югары сыйныфларда “Кырымга сәяхәт” исемле онлайн-экскурсия оештырды.

Укучылар ярымутрау турында видеоматериаллар карадылар.