Тарих атналыгы кысаларында тарих укытучысы Закиров А. Б. 911 сыйныф укучылары белән "Брэйн-ринг" үткәрде. Кызыклы сорауларга укучыларыбыз бик теләп җавап бирделәр.

Безнең укучыларыбыз спортта һәрвакыт  алдынгы урыннар алалар. Кичә булган чаңгы ярышында да 4 укучыбыз  призлы урыннар яуладылар.  Мәхмутов Зөлфәт,  Сәйфуллин Булат - 3 урын; Низамиев Ришат, Шигабиева  Зөһрә - 2 урын.  Без аларны котлыйбыз.

Оборона -масса айлыгы кысаларында бүген укучыларыбыз Муса Җәлилнең тууына 110 еллыгын билгеләп үттеләр. Аның иҗаты буенча интеллектуаль уен оештырылды. Укучыларыбыз Җәлилнең  әсәрләрен сәхнәләштерделәр. Каһарман шагыйрь - Муса Җәлилнең иҗаты беркайчан да онытылмый, ә киресенчә аның белән кызыксыну елдан ел арта бара.

Барлык укучыларның әтиләре, абыйлары килеп классларның идәннәрен алыштырдылар.  Аларга ярдәмгә 9-11 класс егетләре  да килде.  Ир укытучыларыбыз компьютер классын рәтләделәр. Барысы да бик тырышып эшләделәр. Яңа линолеумнар җәйгәч классларыбыз тагын да ямьләнеп китте. Вакытларын  табып мәктәбебезгә ярдәм итәргә килгәннәре өчен барысына да бик зур рәхмәт. 

Мәктәбебездә бүген укучыларыбыз чаңгы буенча ГТО нормаларын тапшырдылар. Укучыларыбыз нормативларны яхшы үтәделәр. Молодцы, укучылар!

Мәктәптә бүген әлифба бәйрәме булды. 1 сыйныф укучылары әниләренә, укучыларга  үзләренең белемнәрен күрсәттеләр.  Кунакка "Дуслык" балалар бакчасы балалары да килделәр. Бәйрәмдә балаларны котлап матур бүләкләр тапшырдылар. Соңыннан укучылар әниләре алып килгән тәм-томнар белән сыйландылар.

Укучыларыбыз Дөбьяз урта мәктәбенә пневматик мылтыктан ату буенча ярышта катнаштылар. 7 сыйныф укучысы Кадыров Илсаф 3 урынны алды. Мәктәп командасы гомуми баллар буенча  4 урынга лаек булды. Укучыларыбызны чын күңелдән котлыйбыз. Молодцы!

Бүген  мәктәптә "Граждан. Җәмгыять. Дәүләт" - дигән  тема астында 8-11 сыйныфларда  парламент  дәресе үтте. Дәрестә Суыксу авылы җирлеге башлыгы, авыл советы депутаты - Низамиев Р. С. катнашты. Ул укучыларны үзидарә эшчәнлеге белән таныштырды.

Бу көннәрдә мәктәптә ГТО га хәзерлек бара. Укучылар  көн дә  чаңгыга чыгалар. 

Бүген химия атналыгының чираттагы каралган чарасы - фәнни-тикшеренү эшләре  буенча укучылар чыгышы булды. 10 нчы сыйныф укучысы Шигабиева Зөһрә  Суыксу авыл чишмәсе буенча үткәргән эзләнү эше белән таныштырды.