"Яхшы эшләр" атнасы планы буенча  укучыларыбыз бүген китапханәдә иске китапларны яңарттылар.  

Бүген янгын вакытында үз-үзеңне тоту кагыйдәләрен кабатлау максатыннан эвакуация үткәрелде. Укучылар   повязкалар  бәйләп мәктәптән чыгуны кабатлап карадылар. Барлык укучылар да укытучылар да   чыгу тәртибен белә. Ашыкмыйча гына тиешле булган урыннардан чыгып спортзал каршына тезелделәр.

Бүген мәктәптә терроризмга каршы көрәштә теләктәшлек буенча сыйныф сәгатьләре үткәрелде. 7-11 сыйныф укучылары "Путь в никуда" исемле фильм карадылар.

Бген укучыларыбыз Белем бәрәменә җыелды. 1 класска быел бер генә укучы килде. Ул да, укучыларыбыз да сәнгатьле итеп шигырьләр сөйләделәр, укытучыларны бәйрәм белән котладылар. Белем бәйрәме белән барыгызны да!!

Белем көнендә укучыларга "Минем булачак профессиям "- дигән темага һәр сыйныфта  класс сәгатьләре булып узды.

Инде бүген лагерьда   соңгы көн  эшлиләр. 18 көн сизелми дә үтеп китте. Укучыларыбыз эштән соң сабантуй оештырдылар. Мәктәп каршындагы плитәгә акбур белән матур итеп рәсемнәр ясадылар. 

Укучыларыбызга мәктәп бакчасында эш җитәрлек. Бүген алар кәбестә араларын, помидор үсентеләрен чүптән арындырдылар, көндәгечә күп итеп су сиптеләр.

Укучыларыбыз бүген Ямаширмә авылында урнашкан страуслар яши торган фермага бардылар.  Алар андагы матур кошларга сокланып кайттылар.

Бүген иң шатлыклы вакыйга булды.  Балалар өчен рәсми рәвештә спорт мәйданчыгы ачылды. Мәйданчыкны ачарга районыбыз  башлыгы  Кәлимуллин Р. Г. килде. Ул балаларга көчле, сәламәт булып үсүләрен теләде. Ә без үз чиратыбызда мондый иркен уңайлы мәйданчыкны булдырган өчен  барысына рәхмәт белдерәбез.

Бүген чыгарылыш сыйныф укучыларының чыгарылыш кичәсе булды. Мәктәбебезнең иң тырыш, иң акыллы, иң якты йолдызлары мәктәбебездән чыгып китәләр. Аларга ак юллар телибез!  Барлык теләкләре дә тормышка ашсын!