Бүген мәктәптә хәрби-патриотик айлык кысаларында 7-11 сыйныф укучылары арасында хоккей турниры булып узды. Уен дуслык җиңүе белән тәмамланды

4 февраль көнне  хөрмәтле укытучыбыз Минуллин Ринат Нурулловичның  юбилее булып узды.  Укучылар тарафыннан бик матур эчтәлекле бәйрәм оештырылды. Укучылар Ринат абый турында җылы сүзләр әйттеләр. Без аны бәйрәме белән котлыйбыз. Аңа эшендә зур уңышлар, саулык-сәламәтлек, гаилә бәхете, зур уңышлар телибез.

15 февраля глава Рособрнадзора проводит Всероссийскую встречу с родителями по вопросам проведения оценочных процедур ЕГЭ и ОГЭ. Более подробную информацию вы можете найти во вкладке "Родителям".

Бүген Освенцимо һәм Холокоста корбаннарын искә алу көне. Шул уңайдан сыйныфларда класс сәгатьләре булып узды.

Бүген шулай ук Ленинград блокадасыннан азат ителгән көн. Тарих дәресләре бүген нәкъ тә шушы темага багышланды.

Укучыларыбыз бүген Иске яңа ел белән котлап авыл халкын сөендерделәр. Яңа елга әзерләгән спектакльне авыл кешеләре бик яратып карады.Зал шыгрым тулы иде.

Кышкы каникул вакытында укучыларыбыз тик ятмый. Алар рәхәтләнеп хоккей уйныйлар.

Бүген мәктәбебездә гөрләтеп 2 сменада да яңа ел бәйрәмнәре булып узды. 1 сменада 1-7 сыйныф укучылары бәйрәм итте. Чыршы бәйрәменең төп  оештыручылары- башлангыч сыйныф укучылары. Алар биеделәр дә, җырладылар да, шигырьләр дә сөйләделәр. Үзләренә тапшырылган рольләрне чын күңелдән башкардылар. 5-7 сыйныф укучылары кызыклыклы чыгышлар күрсәттеләр. Бар да ныклап әзерләнгән. Балалар күңеленә үтеп керерлек бәйрәм оештырган  башлангыч сыйныф укытучылары - Рафия Рамазановна һәм Лилия Дамировна бик зур рәхмәт. Барыгызны да яңа еллар белән!!

2 сменада да яңа ел искиткеч, күңелне әсир итәрлек могҗиза булды. 9,11 сыйныф укучылары  бик күңелле спектакль күрсәттеләр. Бәйрәмне оештыручылар: Гөлнара Фәридовна һәм Фирдәвес Әхәтовна. Сәхнә бизәлеше, киемнәр,  музыка , бар да ныклап уйланылган .Бәйрәмгә килгән тамашачылар шаккатып укучыларыбызның чыгышларын карадылар. Бар да рәхәтләнеп ял итте.  Кичәне оештыручы укытучыларыбызга, укучыларыбызга чын күңелдән рәхмәт!!! Молодцы!!!!

Мәктәптә зур кызулык белән яңа елга әзерлек бара. мәктәп ишегалдына күз явын алырлык сыннар эшләп куйдык.  Фанерадан эшләнгән фигуралар  балалар һәм   рәсем-технология укытучылары  Гөлнара Фәридовна, Эльмира Кашафовна  тырышлыгы белән эшләнде.   Аларга бик зур рәмәт!